اسلام آباد۔ 20 جولائی (اے پی پی) وزیراعظم نا نمائندہ خصوصی بین المذاہب ہم آہنگی و دے ٹک نیامی و چیئرمین پاکستان علماء کونسل حافظ محمد طاہر محمود اشرفی پارینے کہ پیغا م حج کانفرنس 25 جولائی آ اڈ ہلیک وخت اس کہ پیغام پاکستان کانفرنس نا بست وبند ءِ بروک آ تُو کننگک، محرم الحرام نا چرجوئی ٹی ملک انا غٹ مکتبہ فکر انا جید عالم دین تا سلابت اٹ ضابطہ اخلاق اس ٹہیفنگانے، پیغام پاکستان ضابطہ اخلاق آ عملدرآمد ءِ ہرکہول آ پک کننگک، غٹ سیاسی ومذہبی جماعت آتے تین پہ تینی سلابت اٹ مون آ بروئی مریک۔ داخیال آتا درشانی ءِ او چارشنبےنادے آ پیغام حج و محرم الحرام نا ضابطہ اخلاق نا بابت اڈ ہلوک پریس کانفرنس آن تران کرسا کرے۔ اوپارے کہ حج اناادائیگی ٹی سعودی حکومت دا سال ستاکڑزوک بست وبند کرے ، دہ لکھ مخلوق حج کرے، حکومت پاکستان نا کنڈآن ہم حاجی تے آسراتی فراوان کننگ کن گچین بست وبند کننگا، نن سعودی فرمانرواشاہ سلمان بن عبدالعزیز، ولی عہد شہزادہ محمد بن سلمان ، سعودی وزارت حج و وزارت داخلہ نا کمامدار آتا منت وار اُن ہرافک گچین بست وبند کریر و حاجی تا مہمانداری ءِ کریر۔
