اسلام آباد۔ 20 جولائی (اے پی پی) بنجائی وزیر خزانہ مفتاح اسماعیل پارینے کہ زرگزران گچینی نا کنڈآ ہِننگ ءِ ، اگست اٹی سیاسی و زرگزرانی حالیت معمول آ بریک، مسکوہی حکومت نا کنڈآن آئی ایم ایف تون معاہدہ نا خلاف ورزی نا سوب آن ملک اٹی زرگزرانی مشکل بس، پاکستان نا آئی ایم ایف تون معاہدہ مسنے، داسہ ہچ ءُ اڑاند اس سلتنے، ڈالر نا قدر اٹی ودکی ٹی 2 دے انا سیاسی حالیت آتا بھلو دُو اسے، اونا زرگزرانی سوب اف، ملک اٹی 60 دے انا ڈیزل ساڑی ءِ ، اسہ سنگت ملک اس 1.2 ارب ڈالر آتا آئل فنانسنگ کیک، اینخو مالی سال اٹی 8 ارب ڈالر چندی ادارہ و سنگت ملک آتیان ملک۔ داخیال آتا درشانی ءِ او چارشنبےنادے آ کانفرنس آن تران کرسا کرے۔ اوپارے کہ دُن ءُ ہچ ءُ گام اس ہرفپنہ ہراڑآن اڑاند مرے وخت اس کہ آئی ایم ایف تون معاہدہ غان پد ورلڈ بینک آن ہم پیسہ بریک، درآمد ات زیات مننگ آن آخیریکو 6 تُو اٹی روپئی آ زور ودانے۔ تدوک آ 3 تُو آن کوشست مسنے کہ درآمد آک کم مریر، تدوک آ سال اٹی 80 ارب نا درآمدات مس۔ اوپارے کہ درآمد آتا زیات مننگ نا سوب آن ویل آک ودار و گڑاس گڑاتیا پابندی آن فائدہ مس، نن امپورٹڈ گاڈی ہلپنہ، تدوک آ تُو7.4 ملین ڈالر نا درآمدات مس، ہندا تُو 6 بلین ڈالر نا درآمدات مس۔ وزیرخزانہ پارے کہ ملک اٹی 60 دے انا ڈیزل ساڑی ءِ و امپورٹ ءِ ایکسپورٹ و زررادہ کننگ نا بریبر اتنگ نا کوشست کننگ اُن۔ اومستی پارے کہ اسہ سنگت ملک اس 1.2 بلین ڈالر نا آئل فنانسنگ کیک وخت اس کہ ایلو سنگت ملک آتیان پاکستان ءِ 8 بلین ڈالر ملک۔ اوپارے کہ گورنر اسٹیٹ بینک زوت خلنگک، گورنر و روپئی نا قدر اٹی کمتی نا تعلق اف۔
