اسلام آباد۔ 20 جولائی (اے پی پی) پاکستان نا حکومت و الس مصر انا شار منیا نا خڑک است ہسون سڑک شکست اٹی انسانی جان تا زیان آ است ہسونی نا درشانی ءِ کرینے ۔ دفترخارجہ نا ترجمان نا کنڈآن چارشنبے نادے آ جاری بیان اٹی پاننگانے کہ سڑک شکست اٹی نہادی جان تازیان و چندی تا ٹھپی مننگ آ مصر انا حکومت و برادر الس تون ہڑزخواہی نا درشانی ءِ کینہ۔ ترجمان شکست اٹی کہوک آتا خاہوت آتون ہمدردی نا درشانی ءِ کرسا ٹھپی مروک آتا زوت دراخ جوڑی کن دعاکرے۔ اوپارے کہ پاکستان ڈکھیائی نا دا ساہت اٹی برادرانہ الس و حکومت مصر اتون سلوک ءِ۔ یات سلے کہ تدوک آ دے مصر انا صوبہ منیا ٹی بس اسے نا سلوک ءُ ٹرک اسے تون ڈوک لگنگ اٹی 22بندغ زوال و 33 ٹھپی مسوسر۔
