پاکستانی زرگزران سہی کنڈآ ہِننگ ءِ روپئی نا قدر اٹی ودکی مننگ کیک، وزیر خزانہ

اسلام آباد۔ 20 جولائی (اے پی پی) بنجائی وزیر خزانہ مفتاح اسماعیل پارینے کہ پاکستانی زرگزران سہی کنڈآ ہِننگ ءِ و ڈالر نا مقابلہ ٹی روپئی نا قدر اٹی ودکی مننگ کیک۔ پاکستانی روپئی نا مقابلہ ٹی ڈالر نا نہاد اٹی ساڑی آ ودکی نا بابت بنجائی وزیر خزانہ پنی آ جہانی جریدہ بلوم برگ ءِ روپئی نا قدر اٹی گراوٹ، بانڈز و ایکویٹی مارکیٹ نا بابت پارے کہ پاکستانی زرگزران سہی کنڈآ ہِننگ ءِ و بنداوی وڑاٹ پاکستانی کرنسی سہی ءِ، مارکیٹ اٹی روپئی آ زیات زور اف۔ اوپارے کہ ای تکیوہ کہ ڈالر نا نہاد اٹی ساڑی ودکی نا رداٹ گڑاس الٹ پھیر مننگ کیک و ڈالر نا قدر اٹی کمتی وخت اس کہ پاکستانی روپئی نا قدر اٹی ودکی نا گمان ءِ۔