اسلام آباد۔ 19 جولائی (اے پی پی) چیئرمین سینیٹ محمد صادق سنجرانی دریائے سندھ اٹی کشتی اسے نا چپی مننگ نا شکست اٹی چندی بندغ آتا زوال کننگ آ است ہسونی نا درشانی ءِ کرینے۔ سے شنبے نادے آ چیئرمین سینیٹ تعلقدار ادارہ غاتے پارت جاری کرے کہ زہمی خاہوت آتے دمدستی وڑاٹ ہرممکن طبی آسراتی فراوان کننگے و آخبت اٹ داوڑنا واقعہ غاتا توننگ کن گچین حکمت عملی اس جوڑ کننگے تانکہ نہادی انسانی جان تا زیان ءِ توننگ مرے۔ محمد صادق سنجرانی غمزدہ خاہوت آتون ہمدردی نا درشانی ءِ کرسا پارے کہ او ڈکھیائی نا داساہت اٹی اوفتا غم اٹی بریبر نا شریک ءِ۔ چیئرمین سینیٹ ایماندار تا درجہ غاتا بڑزی و غمزدہ خاہوت آتیکن صبر و جمیل نا دعا کرے۔ ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اعظم نذیر تارڑ و قائد حزب اختلاف سینیٹ سینیٹر ڈاکٹر شہزاد وسیم ئسک ہم دریائے سندھ اٹی کشتی اسے نا چپی مننگ نا شکست اٹی زوال کروک آ بندغ آتا خاہوت آتون است ہسونی نا درشانی ءِ کرے۔
