کوئٹہ۔ 19 جولائی (اے پی پی_) جمعیت علمائے اسلام کوئٹہ نا مرکزی سیکرٹری مالیات، قومی اسمبلی نا باسک مولانا صلاح الدین ایوبی طوفانی پِر تیان زہمی بلوچستان نا ضلع قلعہ عبداللہ نا علاقہ توبہ اچکزئی نا دورہ ءِ کرے و تموک آ ہند ، باغ، کھیتی باڑی، ٹیوب ویل و ڈیم تتون اوار غٹ نسخان تا جاچ ءِہلک۔ اومر مر انگا علاقہ غاتیٹی پِر آن زہمی شاری تتون اوڑدہی کرسا اوفتے باوری کرفے کہ قومی اسمبلی ٹی زہمی علاقہ غاتا توار ءِ بنجائی حکومت، این ڈی ایم اے نا کمامدار آتسکان سرکننگک۔ اوپارے کہ مشکل نا داساہت اٹی الس ءِ تنیا الیپنہ و اوفتا غاو تا ازالہ ءِ کننگک۔ داوخت آ جے یو آئی تحصیل چمن نا امیر مولانا روزی خان ، صوبائی ناظم مالیات حاجی غوث اللہ، جے یو آئی نا تحصیل دوبندی امیر مولوی گل محمد، جنرل سیکرٹری مولوی محمد امین ، حافظ ضیاؤالدین، مولوی عبداللہ جان، حبیب اللہ حقیار، مولوی زکریا ، قاری محمد رفیق دانش، بخت محمد، مولوی حیات اللہ، مولوی جان محمد عرف مولوی جانو، مولوی احسان اللہ، محمد نبی، حاجی نجیب اللہ ومحمد اسامہ و ایلوفک ہم اوڑتون اوار ئسر۔
