اسلام آباد۔ 19 جولائی (اے پی پی) قومی ادارہ جان جوڑی پارینے کہ تدوک آ 24 گھنٹہ ٹی مچ آ ملک اٹی کورونا نا 16 ہزار 419 ٹیسٹ کننگا ہراٹی کورونا نا 459 ناجوڑ رپورٹ مس۔ تدوک آ 24 گھنٹہ ٹی مثبت کیس آتا کچ 2.80 درسد ئس۔ قومی ادارہ جان جوڑی کورونا نا تدوک آ 24 گھنٹہ حساب وکتاب جاری کرینے ہرانا رداٹ مچ آ ملک اٹی کورونا دین انا 163 ناجوڑ آتا حالیت نازرک ءِ۔ تدوک آ 24 گھنٹہ ٹی کورونا دین آن اسہ ناجوڑ اس ہم زوال کتنے۔ مچ آ ملک اٹی کورونا کیس آتا غٹ آن زیات کچ گلگت اٹی ریکارڈ کننگا۔ گلگت اٹی بیست ءُ چار گھنٹہ ٹی کیس آتا کچ 14.29 درسد اسکان سرمس۔ لاہور اٹی 5.88 درسد، حیدر آباد اٹی کیس آتا کچ 4.95 درسد ریکارڈ کننگا۔ پشاور اٹی کورونا کیس آتا کچ 3.26 درسد، کراچی ٹی 3.47 درسد، بہاولپور اٹی 3.0 درسد ریکارڈ وخت اس کہ ملتان اٹی 2.58 درسد، اسلام آباد اٹی 4.33 درسد، میرپور اٹی 1.92 و گجرات اٹی 1.12 درسد کورونا نا کچ ریکارڈ کننگا۔
