اسلام آباد۔ 18 جولائی (اے پی پی) صدر مملکت ڈاکٹرعارف علوی 14 جولائی آ زیارت ، بلوچستان اٹی برمتہ غان پد شہید مروک آ لیفٹیننٹ کرنل لئیق بیگ مرزا نا خاہوت ءِ ٹیل فون کرسا اوفتے تون است ہسونی نا درشانی ءِ کرے۔ ایوان صدر نا پریس ونگ آن دوشنبے نادے آجاری بیان نا رداٹ صدر مملکت 15 جولائی آ زیارت جلہواٹی شہید مروک آ حوالدار خان محمد نا وارث آتون ہم رابطہ کرے و اوفتے تون ہڑزخواہی کرے۔ صدر مملکت شہید آتا درجہ غاتا بڑزی کن دعا کرے۔ اوشہہید آتا ملک اکن جان تا نذرانہ پیش کننگ آ اوفتے خراج عقیدت پیش کرے۔ صدر مملکت شہید آتا خاہوت آتون ہمدردی نا درشانی ءِ کرے و اوفتے کن صبر و جمیل نا دعا کرے۔

متعلقہ مضامینمصنف کی طرف سے مزید