اسلام آباد۔ 18 جولائی (اے پی پی) بنجائی پولیس مچ آ ضلع ٹی بروک آ 48 گھنٹہ کن سیکورٹی ءِ ہائی الرٹ کرے۔ آئی جی اسلام آباد ڈاکٹر اکبر ناصر خان نن نیمہ غا اسہ بڑزکو کہولی دیوان اسے آن پد سیکورٹی ءِ ہائی الرٹ کننگ نا پرمان جاری کرے۔ ہائی الرٹ نا رداٹ غٹ داخلی و خارجی کسرتیا گاڈی تا چیکنگ ءِ ودفنگا۔ پولیس ترجمان نا رداٹ غٹ پولیس اسٹیشن، اہم ماڑی، سرکاری دفتر و اہم تنصیب آتا سیکورٹی ءِ سخت کننگانے۔ ریڈزون اٹی پولیس نا ودکی نفری تعینات کننگا۔ ریڈزون نا داخلی و خارجی کسر تیا سخت چیکنگ برجا۔ ہروڑنا بے گرج ہن و بر نا حرکت نا موکل مفک۔ آئی جی شاری تیان خواست کرینے کہ او چیکنگ اٹی پولیس تون کمک کیر۔
