اسلام آباد۔ 18 جولائی (اے پی پی) اوغانستان اٹی پاکستان نا سفیر منصور احمد خان جہانی برادری آ زور شاغانے کہ او اوغان عبوری حکومت تون گیشتر رابطہ غاتا کمک اٹ تینا پبی کمک فراوان کے تانکہ بھلو کچ اسے آ نیزگاری و بین و بدحالی نا سوب آن گھمبیر مروک آ زرگزرانی تنکی نا خطرہ غاتیان بچنگ مرے۔ اوغان الس نا مشکل آتے کم کننگ کن 9 ارب ڈالر مالیت نا اوغان درملکی زرمبادلہ کوڑی تےغیر منجمد کرسا اوغانستان نا بایدے دوٹی تننگے، اوغان الس نا برخلاف اقتصادی پابندی تے بطور سلہہ بایدے کاریم اٹ اتنگپ۔ ’’اے پی پی‘‘ تون خصوصی انٹرویو ٹی پاکستان نا سفیر منصور احمد خان جنگ آن بھس ملک آ تدوک آ 15 اگست آ طالبان تا کنٹرول ءِ سنبھالنگ آن پد آن امریکہ نا چندی مالیاتی ادارہ غاتیٹی تخوک آ 7 ارب ڈالر تون اوار 9 ارب ڈالر مالیت نا اوغان زرمبادلہ کوڑی تے غیر منجمد کننگ و پدریسہ مالی امداد ءِ نیزگار اوغان الس نا مشکل آتے کم کننگ کن سخت المی گوندا۔ اوپارے کہ داہیت اہم ءِ کہ اوغان الس نا برخلاف اقتصادی پابندی تا سلہہ ءِ بایدے کاریم اٹ اتنگپ۔ اوغان درملکی زرمبادلہ کوڑی تے اوغانستان نا بایدے دوٹی تننگے تانکہ اوفتے الس نا فائدہ و اوفتا راجی آسراتی آ خڑچ کننگ مرے۔ اوپارے کہ جہانی برادری نا زیات رابطہ و گیشتر شریداری اوغانستان اٹی پائیدار امن و سوگوی کن بھاز المی ءِ۔ جہانی برادری مون آ برے و جنگ آن بھس راج و اونا ادارہ غاتا کمک ءِ کے تانکہ او تینا راجی و زرگزرانی چیلنج آتا مون ءِ توننگ کیر۔ یو این ایچ سی آر نا رپورٹ نا رداٹ دا وخت آ اوغانستان اٹی کم و ود 2 کروڑ 40 لکھ بندغ انسانی ہمدردی نا بنداو آ فراوان کروک آ امداد آ سیبو کننگ ءُ ہرافتے ٹی کم و ود اسہ کروڑ 30 لکھ چنا اوار ءُ۔ داکان بیدس اسہ کروڑ 90 لکھ اوغان باتی تے بھاز غذائی تنکی مون تروک ءِ وخت اس کہ ڈبلیو ایف پی نا اسہ رپورٹ اٹی خبڑدار کننگانے کہ 70 درسد اوغان آبادی غذائی و غیر غذائی گڑاتا بنداوی گرج آتے پورو کننگ آن قاصر ءُ منصور احمد خان پارے کہ مشکل آتیان پد ہم طالبانک ہندی وسیلہ غاتون تینا خڑچ آتے پورو کرینو ولے سخت زرگزرانی آزمائشت آتا مون ءِ توننگ کن دا گنج اس افس۔ اوغانستان اٹی پاکستان نا سفیر منصور احمد خان جہانی برادری آ زور شاغانے کہ او اوغان عبوری حکومت تون گیشتر رابطہ غاتا کمک اٹ تینا پبی کمک فراوان کے تانکہ بھلو کچ اسے آ نیزگاری و بین و بدحالی نا سوب آن گھمبیر مروک آ زرگزرانی تنکی نا خطرہ غاتیان بچنگ مرے۔ اوغان الس نا مشکل آتے کم کننگ کن 9 ارب ڈالر مالیت نا اوغان درملکی زرمبادلہ کوڑی تےغیر منجمد کرسا اوغانستان نا بایدے دوٹی تننگے، اوغان الس نا برخلاف اقتصادی پابندی تے بطور سلہہ بایدے کاریم اٹ اتنگپ۔ ’’اے پی پی‘‘ تون خصوصی انٹرویو ٹی پاکستان نا سفیر منصور احمد خان جنگ آن بھس ملک آ تدوک آ 15 اگست آ طالبان تا کنٹرول ءِ سنبھالنگ آن پد آن امریکہ نا چندی مالیاتی ادارہ غاتیٹی تخوک آ 7 ارب ڈالر تون اوار 9 ارب ڈالر مالیت نا اوغان زرمبادلہ کوڑی تے غیر منجمد کننگ و پدریسہ مالی امداد ءِ نیزگار اوغان الس نا مشکل آتے کم کننگ کن سخت المی گوندا۔ اوپارے کہ داہیت اہم ءِ کہ اوغان الس نا برخلاف اقتصادی پابندی تا سلہہ ءِ بایدے کاریم اٹ اتنگپ۔ اوغان درملکی زرمبادلہ کوڑی تے اوغانستان نا بایدے دوٹی تننگے تانکہ اوفتے الس نا فائدہ و اوفتا راجی آسراتی آ خڑچ کننگ مرے۔ اوپارے کہ جہانی برادری نا زیات رابطہ و گیشتر شریداری اوغانستان اٹی پائیدار امن و سوگوی کن بھاز المی ءِ۔ جہانی برادری مون آ برے و جنگ آن بھس راج و اونا ادارہ غاتا کمک ءِ کے تانکہ او تینا راجی و زرگزرانی چیلنج آتا مون ءِ توننگ کیر۔ یو این ایچ سی آر نا رپورٹ نا رداٹ دا وخت آ اوغانستان اٹی کم و ود 2 کروڑ 40 لکھ بندغ انسانی ہمدردی نا بنداو آ فراوان کروک آ امداد آ سیبو کننگ ءُ ہرافتے ٹی کم و ود اسہ کروڑ 30 لکھ چنا اوار ءُ۔ داکان بیدس اسہ کروڑ 90 لکھ اوغان باتی تے بھاز غذائی تنکی مون تروک ءِ وخت اس کہ ڈبلیو ایف پی نا اسہ رپورٹ اٹی خبڑدار کننگانے کہ 70 درسد اوغان آبادی غذائی و غیر غذائی گڑاتا بنداوی گرج آتے پورو کننگ آن قاصر ءُ منصور احمد خان پارے کہ مشکل آتیان پد ہم طالبانک ہندی وسیلہ غاتون تینا خڑچ آتے پورو کرینو ولے سخت زرگزرانی آزمائشت آتا مون ءِ توننگ کن دا گنج اس افس۔
