اسلام آباد۔17جولائی (اے پی پی): مزن وزیر محمد شہباز شریف ءَ الس ءَ را گوشتگ کہ پنجاپ ءِ ضمنی گچین کاری ءَ وتی ووٹ ءَ دیگ ءَ عمران نیازی ءِ حکومت ءِ پونے چار سالی سیاھیں دور ءِ کرپشن ، نااہلی، معاشی تباہی، مافیہ ءِ آسرات کاری ءُ سروکی ءُ مٹ ءُ بدلی ءِ نام ءِ سر ءَ کنگ بوتگیں تباہی ءِ بابت ءَ ضلور سسا بکن ات، پاکستان پی ٹی آئی ءِ دور ءَ وتی منزل ءَ چہ دور بوتگ۔ ایشی ءِ درشان ءَ وتی ووٹ ءَ گوں بکن ات۔ یک شمبے ءِ روچ ءَ وتی ٹویٹ ءَ مزن وزیر محمد شہباز شریف ءَ گوشت کہ پنجاپ ءِ پونے چار سال بد ترین گورننس ءِ نشانگ بندگ بوتگ، الس ءِ ووٹ ایشی ءِ طاقت انت۔ آ اے طاقت ءِ انتشار ، کسد ءُ کینگ ءُ بھر ءُ بانگ ءِ سیاست ءَ را رد بکن انت۔ مزن وزیر ءَ گوشت کہ گوستگیں دور ءَ پنجاپ ءِ ھرچی جاور کنگ بوتگ انت آ صوبگ ءِ مردم آنی توہین ءَ چہ کم نہ انت۔
