سیوتی حکومت جہانی منڈی ٹی تیل انا نہاد آتیٹی کمتی نا فائدہ ءِ دمدستی وڑاٹ الس آ گدریفینے، وزیراعظم شہباز شریف

اسلام آباد۔ 15 جولائی (اے پی پی) وزیراعظم شہباز شریف پارینے کہ الس تون کروک آ کنا قول انا رداٹ سیوتی حکومت دمدستی وڑاٹ جہانی منڈی ٹی تیل انا نہاد آتیٹی کمتی نا فائدہ ءِ الس اسکان گدریفینے۔ جمعہ نادے آ تینا ٹویٹ اٹی وزیراعظم باور کرفے کہ ہندن پین زرگزرانی گنجائشت ودی مریک نن الس ءِ ریلیف ترسا کینہ۔ اوپارے کہ ای الس تون مدام سچاہیت ءِ کننگ آ یخین تخیوہ۔