صدر مملکت پاکستان ایئر فورس، ایئر وار کالج انسٹیٹیوٹ نا سینیٹ نا باسک آتا تعیناتی نا منظوری ءِ تس

اسلام آباد۔ 15 جولائی (اے پی پی) صدر مملکت ڈاکٹر عارف علوی پاکستان ایئر فورس ، ایئر وار کالج انسٹیٹیوٹ نا سینیٹ نا باسک آتا تعیناتی نا منظوری ءِ تس۔ جمعہ نادے آ ایوان صدر نا پریس ونگ آن جاری بیان نا رداٹ ایئر وار کالج نا سینیٹ باسک آتیٹی صدر مملکت، چیف آف ایئر اسٹاف، پی ایس اوٹریننگ و صدر ایئر وار کالج بحیثیت ایکس آفیشو باسک آک اوار ءُ ۔ باسک آتیٹی 1 بنجائی حکومت نا نمائندہ اس و تعلقدار بشخ آتا 4 چاہندار، 1 ایلو منائی ، تدریسی بشخ انا 2 نمائندہ و 4 فیکلٹی باسک، ایچ ای سی نا نمائندہ ، رجسٹرار و ڈائریکٹر کیو ای سی ہم بطور باسک تعینات ءُ۔ صدر مملکت پی اے ایف ایئر وار کالج انسٹیٹیوٹ ایکٹ 2021ء نا رداٹ ادارہ نا پیٹرن ءِ۔ صدر مملکت باسک آتا تعیناتی ایکٹ نا سیکشن 8(مسٹ) نا رداٹ کرے۔