اسلام آباد۔ 15 جولائی (اے پی پی) بنجائی وزیر داخلہ رانا ثناء اللہ خان پارینے کہ راج اٹی اخلاقی قدر ءِ لتاڑوک آتا برخلاف تعلقدار ادارہ غاک زیرو ٹالرینس پالیسی اس تینا کیر، شاری تا عزت نفس ءِ رکھ جوڑ کننگ، اوفتے زیزاریفنگ و بلیک میلنگ آن بچفنگ کن ایف آئی اے، پی ٹی اے و ایلو ادارہ غاک فعال کڑد ادا کیر۔ او جمعہ نادے آ وزارت داخلہ ٹی …
تعلقدار ادارہ غاک راج اٹی اخلاقی قدر ءِ لتاڑوک آتا برخلاف زیرو ٹالرینس پالیسی اس تینا کیر، بنجائی وزیر داخلہ
گیشتریں ھال
اسلام آباد۔ 15 جولائی (اے پی پی) بنجائی وزیر داخلہ رانا ثناء اللہ خان پارینے کہ راج اٹی اخلاقی قدر ءِ لتاڑوک آتا برخلاف تعلقدار ادارہ غاک زیرو ٹالرینس پالیسی اس تینا کیر، شاری تا عزت نفس ءِ رکھ جوڑ کننگ، اوفتے زیزاریفنگ و بلیک میلنگ آن بچفنگ کن ایف آئی اے، پی ٹی اے و ایلو ادارہ غاک فعال کڑد ادا کیر۔ او جمعہ نادے آ وزارت داخلہ ٹی بڑزکو کہولی دیوان آن تران کریکہ۔ دیوان اٹی بنجائی سیکرٹری داخلہ یوسف نسیم کھوکھر، آئی جی پنجاب رائو سردار علی خان، ڈائریکٹر جنرل ایف آئی اے محمد طاہر رائے، قائم مقام چیئر مین نادرا بریگیڈیئر (ریٹائرڈ) خالد لطیف و ایلو کمامدار آک بشخ ہلکر۔ دیوان اٹی سوشل میڈیا غا شاری تا زیزاریفنگ، غیر اخلاقی ویڈیو اپلوڈ کننگ، بلیک میلنگ و اوفتا کڑد کشی نا بابت باندات آتا جاچ ءِ ہلنگا۔ دیوان اٹی سوشل میڈیا نا کمک اٹ غیر اخلاقی مواد آتا تشہیر، شاری تا زیزاریفنگ و کڑد کشی نا کمک اٹ شرف ءِ خراب کروک آتا برخلاف کریک ڈائون نا فیصلہ کننگانے۔ وزیر داخلہ نا سائبر کرائم خاص وڑاٹ زیزاریفنگ و توہین آمیز مواد اپ لوڈ کننگ و اوفتا تشہیر نا بابت کانود ءِ گچین جوڑ کننگ نا ہم فیصلہ کننگانے۔ زیزاریفنگ و کرڈ کشی نا کمک اٹ ساکھ ءِ خراب کننگ نا باندات آ پیکا 2016اٹی المی ترمیم اتنگ کن ورکنگ ٹولی اس جوڑ کننگ نا فیصلہ کننگانے۔ ورکنگ ٹولی سوشل میڈیا غا زیزاریفنگ، کڑد کشی و توہین آمیز مواد ءِ توننگ کن کانود جوڑ کننگ و انتظامی گام گیج آتا بابت باندات آتا جاچ ءِ ہلیک ورکنگ ٹولی غٹ اسٹیک ہولڈر آتا سلابت و امنائی سلاہ اٹ تینا شین تروک سلاہ و سوج آتے وزارت داخلہ ءِ پیش کیک۔ شاری تا غاوتیکن ایف آئی اے رابطہ نمبر ز ہم جاری کرے۔ دیوان آن تران کرسا وزیر داخلہ پارے کہ سوشل میڈیا غا توہین آمیز مواد و شاری تا کڑد کشی نا کمک اٹ ساکھ خراب کننگ ءِ اسل امنا کپنہ۔
