الیکشن کمیشن ، لاہور نا 4 و ملتان نا اسہ نشست اسے آ پولنگ اسٹیشن تا پیشن فوج انا تعیناتی کن وزارت داخلہ ءِ مراسلہ اس گدریفے

اسلام آباد۔ 15 جولائی (اے پی پی) پنجاب اسمبلی نا 20 خورک نشست آتیا ضمنی گچین کاری تیٹی سیکورٹی گڑتی تا رداٹ الیکشن کمیشن لاہور نا 4و ملتان نا اسہ نشست  آ پولنگ اسٹیشن تا پیشن فوج انا تعیناتی کن وزارت داخلہ ءِ مراسلہ اس گدریفے۔ الیکشن کمیشن نا کنڈآن جاری بیان نا رداٹ الیکشن اٹی بدامنی نا خطرہ نا رداٹ کوئیک رسپانس فورس انا کچ و فلیگ مارچ ءِ ودفنگ نا درخواست ہم کننگانے۔ مراسلہ ٹی وزارت داخلہ ءِ پاننگانے کہ لاہور نا 4 و ملتان نا 1 حلقہ ٹی فوج انا پولنگ اسٹیشن نا پیشن تعیناتی ءِ پک کننگے، داکان مست رینجرآتا تعیناتی آ اتفاق مسوسس البتہ ساڑی آ رپورٹ آتا رداٹ بدامنی و بیدادی نا خطرہ ودانے۔ ایلو حلقہ غاتیٹی ہم کانود نافذ کروک آ ادارہ غاتے چسپان سلنگ، الیکشن آن مست یا ٹی بیدادی نا واقعہ غاتا توننگ نا پارت تننگے۔ چٹھی ٹی پاننگانے کہ پاکستان اٹی سیاسی درجہ حرارت نا ودنگ و پولرائزیشن نا سوب آن دا گام گیج المی ءِ۔ اگہ وخت آن مست پرتشدد واقعہ غاتے توننگتو تو حالیت آتا مون ءِ توننگ وس آن پیش مننگ کیک۔