وزیراعظم محمد شہباز شریف نا آئی ایم ایف پروگرام نا بحالی آ وزارت خزانہ و وزارت خارجہ نا ٹیم تے مبارکباد

اسلام آباد۔ 14 جولائی (اے پی پی) وزیراعظم محمد شہباز شریف آئی ایم ایف پروگرام نا بحالی آ وزیر خزانہ مفتاح اسماعیل و وزیر خارجہ بلاول بھٹو زرداری نا کماشی ٹی وزارت خزانہ و وزارت خارجہ نا ٹیم تے مبارکبادی تسنے۔ پنچ شنبے نادے آ تینا ٹویٹ اٹی اوپارے کہ دا گچین ءُ ٹیم ورک اسے نا بھرم ءِ۔ اوپارے کہ جہانی مالیاتی فنڈ اتون معاہدہ غان ملک ءِزرگزرانی مشکل آتیان کشنگ نا کسر آوار مسنے۔