اسلام آباد۔ 26اپریل (اے پی پی) بنجائی حکومت سرکاری بشخ انا شونداری پروگرام اٹی دیر و بجلی ڈویژن نا پاور سیکٹر کن داوخت اسکان اسہ کھرب 66ارب روپئی آن زیات نا فنڈ جاری کرینے۔ حکومت دا ڈویژن نا شونداری کاریم تے کن اسہ کھرب 92 ارب روپئی نا فنڈ جتا کرینے ۔ حکومت دیامر بھاشا ڈیم انا جوڑ جاڑ کن ڈغار نا دوئی نا خاطر 9 ارب 67 کروڑ 60 لکھ روپئی نا فنڈ جاری کرینے۔ ڈٹ بندی کمیشن نا رپورٹ نا رداٹ ڈٹ اکن جاری مالی سال نا پی ایس ڈی پی نا رداٹ 14 ارب روپئی نا بجٹ جتا کننگاسس۔ ڈٹ انا پوروی آن 4500 میگاواٹ بجلی آبی ذرائع آن ودی کننگک۔ ہنداوڑ 1200 میگاواٹ ایل این جی پاور پلانٹ بلوکی کن 30 ارب روپئی ، 1200 میگاواٹ ایل این جی پاور پلانٹ حویلی بہادر شاہ کن 30 ارب روپئی ، گوادر پورٹ اٹی 132 کے وی سب اسٹیشن نا جوڑ جاڑ کن 10 کروڑ روپئی ، کوئٹہ ٹی 132 کے وی گریڈ اسٹیشن و ٹرانسمیشن لین اکن 7 کروڑ 84لکھ روپئی تون اوار چندی شونداری ڈٹ آتے کن فنڈ جاری کننگانے۔
