اسلام آباد۔ 26اپریل (اے پی پی) جاری مالی سال 2016-17ءنا اولیکو نہہ تو اٹی ملک اٹی براہ راست درملکی زرکاری (ایف ڈی آئی) کروک آ درملکی کمپنی /ادارہ غاتا کنڈآن 1.33 ارب ڈالر نا کٹیا جات تینا ملک آتے گدریفنگانو۔ اسٹیٹ بینک آف پاکستان نا حساب وکتاب نا رداٹ اینخو مالی سال انا بنائی 9 تُو اٹی درملکی کمپنی و ادارہ غاتا کنڈآن کروک آ براہ راست زرکاری آ دوئی مروک آ کٹیا جات نا گدریفنگ اینخو مالی سال اٹی 1.8 ارب ڈالر اسکان مننگ نا اومیت ئِ۔ رپورٹ نا رداٹ مالیاتی بشخ آن 191.3 ملین ڈالر و غذائی غلہ غاتا بشخ آن 161.3 ملین ڈالر نا کٹیا جات پیشن نا ملک گدریفنگانے۔ جاری مالی سال اٹی تیل وگیس انا پٹنگ ، پٹرولیم نا ری فائننگ و کیمیکلز نا بشخ آتیان بالترتیب 102ملین ڈالر ، 92.9 ملین ڈالر و 87 ملین ڈالر نا کٹیا جات نا پیشن نا ملک گدریفنگانے۔
