اسلام آباد۔ 24اپریل (اے پی پی) تیناکارکڑد انا بنداو آ پاکستان اسٹاک ایکسچینج (کے ایس ای100) انڈیکس نا شمار دنیا نا 10 گچین انگا اسٹاک مارکیٹ آتیٹی کننگک وخت اس کہ سال 2017 ءٹی کروک آ زرکاری آ دوئی کٹیا نا کچ 46درسد اسکان ودنگ آن پاکستان اسٹاک ایکسچینج ایشیاءنا غٹ آن گچین انگا مارکیٹ جوڑ مسنے۔ اینخو سال اٹی پی ایس ایکس تینا کارکڑد نا بنداو آ چین و بھارت ئِ ہم پدی ہلانے۔ پنی اقتصادی جاچکار خرم شہزاد تینا رپورٹ اٹی پارینے کہ سال 2014ءٹی تیل انا نرخ آتیٹی نمان کمتی و افراط زر انا کچ اٹی تاریخی ئُ کمتی اسے تون اوار اقتصادی ٹک آتیٹی مثبت بدلی تا رجحان آن ملکی و درملکی زرکار آتا پت اٹی ودکی مسنے ہراڑآن پی ایس ایکس نا کارکڑد ئِ ڈیہہ نا ایلو ملک آتیٹی گچین گوندنگ انگ ئِ ۔ اوپارے کہ امن و ایمنی نا حالیت آتیٹی گچین و کاروباری آسانی تا سوب ہم زرکار آتا پت اٹی گچینی و کاروباری آسانی تا سوب ہم زرکارآتا پت انا مون آ دننگ اٹی کمک دوئی مسنے و مچ آ دنیا نا زرکار آک پاکستان اسٹاک ایکسچینج اٹی زرکاری آ است خواہی نا درشانی ئِ کننگ ئُ۔
