کوئٹہ۔ 31 مئی (اے پی پی) نیشنل ہائی وے اینڈ موٹروے پولیس نا آفیسر آک گشت انا وخت آ مستونگ نا علاقہ ٹی وخت آ کمک فراوان کننگ نا عظیم ءُ درور اس قائم کریر۔ ترجمان موٹروے پولیس نا رداٹ اسہ پڈ پُر نیاڑی اس تینا اُرا نا منہ بندغ آتون سڑک نا کنارہ غا فریشانی نا حالیت اٹ کمک نا انتظار اٹی تولوک ئسک آفیسر آتا وخت آ کمک …
نیشنل ہائی وے اینڈ موٹروے پولیس نا آفیسر آک گشت اٹی مستونگ نا علاقہ ٹی وخت آ کمک فراوان کننگ نا عظیم ءُ درور اس قائم کریر، ترجمان موٹروے پولیس
گیشتریں ھال
کوئٹہ۔ 31 مئی (اے پی پی) نیشنل ہائی وے اینڈ موٹروے پولیس نا آفیسر آک گشت انا وخت آ مستونگ نا علاقہ ٹی وخت آ کمک فراوان کننگ نا عظیم ءُ درور اس قائم کریر۔ ترجمان موٹروے پولیس نا رداٹ اسہ پڈ پُر نیاڑی اس تینا اُرا نا منہ بندغ آتون سڑک نا کنارہ غا فریشانی نا حالیت اٹ کمک نا انتظار اٹی تولوک ئسک آفیسر آتا وخت آ کمک فراوان کننگ آن زالبول سڑک نا کنارہ غا چناسے ودی کرے، خڑک انا ہسپتال آن لیڈی ڈاکٹر و طبی عملہ ءِ دمدستی وڑٹ موقع غا سرکننگا۔ ترجمان نا رداٹ الحمداللہ زچہ بچہ ہڑتوم آک خیریت اٹی ءُ، و شہید غوث بخش ہسپتال مستونگ شفٹ کننگا۔ حالیت آتا رداٹ آفیسر آک موقع غا غٹ المی گام گیج کریر، زہمی خاہوت نا تقدس و شرف نا بھاز جوان وڑاٹ خیال ءِ تخنگا، زہمی خاہوت ءِ پبی کمک و راہشونی فراوان کننگا آئی جی موٹروے تینا آفیسر آتے دا شاندار کارکڑد آ شاباشی تس۔
