وزیراعظم نُت انا نہاد آتیٹی ودکی نا سخت نوٹس ءِ ہلک، تعلقدار وزیر و وزارت آتیان رپورٹ ءِ بٹنگا

اسلام آباد۔ 30 مئی (اے پی پی) وزیراعظم شہباز شریف ملک اٹی نُت انا نہاد آتیٹی ودکی نا نوٹس ءِ ہلسا تعلقدار وزیر و وزارت آتیان رپورٹ ءِ بٹنگانے۔ دوشنبےنادے آ وزیراعظم آفس نا کنڈآن جاری بیان نا رداٹ وزیراعظم مچ آ ملک اٹی نُت انا نہاد حکومتی پڑونا رداٹ جوڑ کننگ کن سخت گام گیج نا پارت کرے و پارے کہ کس اسے الس ءِ پُلنگ نا موکل تفنہ۔ وزیراعظم پارے کہ الس ءِ حکومتی نرخ آتیا نت انا فراوانی ءِ پک کننگے۔ وزیراعظم پارت کرے فوڈ سیکورٹی، صنعت نا وزارت و تعلقدار محکمہ غاک پرمان تیا عملدرآمد نا رپورٹ ءِ اینو ہی پیش کیر۔