سینیٹر ملک شہادت اعوان وزیر مملکت نا حیثیت اٹ سوغند ہرفے، صدر مملکت ڈاکٹر عارف علوی اوڑآن سوغند ہلک

اسلام آباد۔ 30 مئی (اے پی پی) سینیٹر ملک شہادت اعوان وزیر مملکت نا حیثیت اٹ سوغند ہرفے، صدر مملکت ڈاکٹر عارف علوی پوسکن آ وزیر مملکت آن سوغند ہلک۔ سینیٹر ملک شہادت اعوان دوشنبے نادے آ ایوان صدر اٹی اڈ ہلوک آ اسہ سادہ و لے پروقار دود اسے ٹی سوغند ہرفے، سوغندی دود اٹی سول و فوجی کمامدار و ایلو اہم شخصیت آک بشخ ہلکر۔ داہیت ذکر انا قابل ءِ کہ 11 اپریل آ پوسکن آ حکومت نا جوڑ مننگ آن پد کابینہ  ءِ 19 اپریل آ جوڑ کننگاسس، اولیکو ریسہ ٹی کابینہ ٹی 30 بنجائی وزیر و 3 وزیر مملکت ءِ اوار کننگاسس اوکان پد کابینہ ٹی چندی ریسہ غاتیٹی ودکی کننگانے۔