وزارت مذہبی امور 10 حاجی کیمپ آتیٹی حج 2022ء کن ہیلکاری شیڈول جاری کرے

اسلام آباد۔ 30 مئی (اے پی پی) وزارت مذہبی امور اینخو سال حج انا فرض ءِ ادا کننگ کن حج مبارک آ ہنوک آ حاجی تے پارینے کہ حج آ روانہ مننگ آن مست تینا تعلقدار ہیلکاری پروگرام اٹی ضرور بشخ ہلیر۔ وزارت نا ترجمان نا رداٹ وزارت مذہبی امور مچ آ ملک انا 10 حاجی کیمپ آتیٹی حج 2022ء کن ہیلکاری شیڈول جاری کرینے۔ حاجی تیان خواست کننگانے کہ دا ہیلکاری نشست آتیٹی ضرور بشخ ہلیر تانکہ او مناسک حج انا اداکننگ و سعودی عرب نا انتظامی امور آن آگاہی دوئی کننگ کیر، ہراحاجی تے داسکان ہیلکاری پروگرام نا میسج ملتنے او تینا خڑک انا حاجی کیمپ تون رابطہ تخر یا فیس بک پیج، وزارت مذہبی امور نا ویب سائٹ تون رجوع کیر۔