خیبرپختونخوا تون اوار مچ آ ملک اٹی یوٹیلیٹی اسٹور آ اینو آن دہ کلو گرام نت انا تھیلہ 400 روپئی ٹی ملک، وزیراعظم محمد شہباز شریف نا پڑو

اسلام آباد۔ 30 مئی (اے پی پی) وزیراعظم محمد شہباز شریف پڑو کرینے کہ (اینو) دوشنبے آن خیبرپختونخوا تون اوار مچ آ ملک اٹی یوٹیلیٹی اسٹور آ نت 400 روپئی دہ کلو گرام تھیلہ ملک۔ یک شنبے نادے آ مانسہرہ ٹی اسہ بھلو السی لس جلسہ سے آن تران کرسا وزیراعظم پارے کہ او اِراہفتہ مست پاریسس کہ اگہ خیبرپختونخوا نا حکومت نت انا نہاد ءِ کم کرے تو سہی ءِ ورنہ پنجاب اٹی ہرا دہ کلو نت انا تھیلہ نا نہاد 490 روپئی ءِ اودے کیوہ۔ خیبرپختونخوا حکومت نا کنڈآن دانا داسکان ننے ورندی دوئی متنے۔ وزیراعظم پارے کہ پگہ(دوشنبے) یا ایلودے آن خیبرپختونخوا تون اوار مچ آ ملک اٹی یوٹیلیٹی اسٹور آتیا 10 کلو نت انا تھیلہ 400 روپئی ٹی ملک۔ وزیراعظم پارے کہ اونا وزیراعلیٰ خیبرپختونخواہ آن خواست ءِ کہ او تینا صوبہ نا نیزگار الس کن کوشست کے۔ وزیراعظم پارے کہ ای پورو کوشست کیوہ کہ خیبرپختونخوا ٹی اڑزان نت دُوبرے اگہ بیست ءُ چار گھنٹہ ٹی وزیراعلیٰ کنے ورندی تتو تو دا خادم حاضر ءِ۔