اسلام آباد۔ 30 مئی (اے پی پی) بنجائی کابینہ نا فیصلہ ءِ مون آ تخسا بے گواہ بندغ آتیکن پالیسی اس جوڑ کننگ نا رداٹ کمیٹی اس جوڑ کننگانے۔ وزارت داخلہ نا کنڈآن دا بابت جاری کروک نوٹیفکیشن نا رداٹ بنجائی وزیر کانود و انصاف اعظم نذیر تارڑ کمیٹی نا چیئرمین مریک۔ کمیٹی نا باسک آتیٹی وزیر داخلہ رانا ثناءاللہ خان، بنجائی وزیر تخفیف غربت شازیہ مری، وزیر مواصلات اسد …
بے گواہ بندغ آتیکن پالیسی جوڑ کننگ نا رداٹ کمیٹی اس جوڑ کننگ نا نوٹیفکیشن جاری، بنجائی وزیر کانود و انصاف چیئرمین مریک
گیشتریں ھال
اسلام آباد۔ 30 مئی (اے پی پی) بنجائی کابینہ نا فیصلہ ءِ مون آ تخسا بے گواہ بندغ آتیکن پالیسی اس جوڑ کننگ نا رداٹ کمیٹی اس جوڑ کننگانے۔ وزارت داخلہ نا کنڈآن دا بابت جاری کروک نوٹیفکیشن نا رداٹ بنجائی وزیر کانود و انصاف اعظم نذیر تارڑ کمیٹی نا چیئرمین مریک۔ کمیٹی نا باسک آتیٹی وزیر داخلہ رانا ثناءاللہ خان، بنجائی وزیر تخفیف غربت شازیہ مری، وزیر مواصلات اسد محمود، بنجائی وزیر دفاعی پیداوار محمد اسرار ترین، وزیر بحری امور فیصل سبزواری، و بنجائی وزیر سائنس و ٹیکنالوجی آغا حسن بلوچ ئسک اوار ءُ۔ نوٹیفکیشن نا رداٹ اگہ کمیٹی جوان سمجھے تو داٹی پنی آ کانود و انسانی حق اناتنظیم تا نمائندہ غاتے داٹی اوار کننگ کیک۔ وزارت داخلہ کمیٹی ءِ سیکٹریل کمک فراوان کیک۔
