وزیر خارجہ بلاول بھٹو زرداری نا سی پی این ای نا پوسکن گچین مروک آ عہدیدار آتے مبارکباد

اسلام آباد۔ 29 مئی (اے پی پی) پاکستان پیپلزپارٹی (پی پی پی ) نا چیئرمین و وزیر خارجہ بلاول بھٹو زرداری یک شنبے نادے آ کونسل آف پاکستان نیوز پیپرز ایڈیٹرز (سی پی این ای ) نا پوسکن گچین مروک آ باڈی ءِ مبارکبادی تس و سی پی این ای نا پوسکن گچین مروک آ تنظیم کن نیک است خواہی نا درشانی ءِ کرے۔ بلاول ہاؤس میڈیا سیل آن جاری بیان نا رداٹ پیپلزپارٹی نا چیئرمین بلاول بھٹو زرداری تینا کلہو اٹی سی پی این ای نا پوسکن صدر کاظم خان و جنرل سیکرٹری میاں عامر محمود ءِ مبارکبادی تس۔ اوایاز خان ءِ سینئر نائب صدر ، یوسف نظامی ءِ ڈپٹی سیکرٹری جنرل، غلام نبی چانڈیو ءِ فنانس سیکرٹری، زبیر محمود ءِ انفارمیشن سیکرٹری، ڈاکٹر جبار خٹک ءِ سی پی این ای سندھ انا نائب صدر، مقصود یوسفی ءِ سی پی این ای سندھ انا جائنٹ سیکرٹری، حیدر امین ءِ سی پی این ای پنجاب نا نائب صدر، سلمان مسعود ءِ اسلام آباد آن نائب صدر، طاہر فاروق ءِ سی پی این ای خیبرپختونخوانا نائب صدر و عارف بلوچ ءِ بلوچستان نا نائب صدر گچین مننگ آ مبارکبادی تس۔ پی پی پی نا چیئرمین سی پی این ای نا قائمہ کمیٹی نا 44 پوسکن گچین مروک آ باسک آتے ہم مبارکبادی تس۔ اودااومیت نا درشانی ءِ کرے کہ جمہوریت و آجوئی صحافت ءِ سوگو کننگ کن سی پی این ای نا کڑد ستاکڑزوک مریک دُن کہ سی پی این ای نا تاریخ مسنے۔ بلاول بھٹو مستی پارے کہ پیپلزپارٹی نا آجوئی آ یخین تخک و ملک اٹی آجوئی سلاہ درشانی ءِ پک کننگ و متحرک میڈیا نا شونداری کن ہرممکن کمک کیک۔