اسلام آباد۔ 29 مئی (اے پی پی) ترجمان دفتر خارجہ میڈیا نا سوج آتا ورندی ٹی داہیت ءِ دوٹوک وڑاٹ مسترد کرینے کہ پاکستان آن اسہ ڈل اس ہم اسرائیل نا دورہ ءِ کتنے، یک شنبے نادے آ دا بابت وضاحت کرسا ترجمان پارے کہ ہرادورہ غا سوج ہرفنگ انگ ءِ ، اونا بست وبند ءِ اسہ درملکی این ۔جی ۔او اس کریسس ہراپاکستان اٹی قائم اف۔ ترجمان پارے کہ فلسطین نا ویل آ پاکستان نا موقف اسُل پیدوار وغیر مبہم ءِ۔ ننا پالیسی ٹی ہچ وڑنا بدلی اس بتنے ہراڑآ پورو قومی اتفاق ءِ۔ ترجمان مستی پارے کہ پاکستان فلسطین نا الس نا استصواب رائے نا ناقابل تنسیخ حق انا پکا مخ تفی ءِ کیک۔ اقوام متحدہ و او۔آئی۔سی نا تعلقدار قرارداد آتا رداٹ 1967 آن مست انا سیم، القدس الشریف دارالحکومت و جغرافیائی وحدت نا حامل وتواجہ و قابل عمل فلسطینی ریاست نا جوڑ کننگ ڈیہہ ٹی پائیدار امن کن المی ءِ۔
