چینی سرمایہ کار آناں ھمک رنگیں آسراتی پجاری کناں،  مزن وزیر ءِ نامداریں  چینی کمپنی آنی سروک آنی گوما  تران

اسلام آباد۔30مئی  (اے پی پی): مزن وزیر محمد شہباز شریف ءَ  گوشت  چین پاکستان ءِ درستاں چہ مستریں   دل یکیمیں دوست اِنت، سی پیک ءِ  رنگ ءَ چین ءِ کمک  ءَ را  اچبر بے ھیال  کت نہ کناں، چین ءُ پاکستان ءِ یکوئی  دراج بر  ءُ پراھ ءُ شاھیگان اَنت، چین ءَ ھمک سکیں ساھت ءَ  پاکستان ءِ گوما ھمبراہ داری کتگ۔ اے ھیالانی درشانی آئی ءَ دو شمبے ءَ  نامداریں چینی سرمایہ کار  کمپنی   آنی سروک آں گوں تران کنان  ءَ کت۔  آئی ءَ گوشت کہ  پاکستان  چین دوستی  وھد  ءِ گوزان ءَ گیش مھکم بوتگ اَنت۔  پاکستان  ءَ را ھمک شوبگ ءَ چین ءِ گوما   ھمبراہ داری ءِ  ضلورت اِنت۔  گوستگیں سی سال  آنی تہ ءَ چین ءَ بے درور ءُ  بے کساس  دیمروئی کتگ ھاسیں رنگ ءَ کشت ءُ کشار  صنعت  ءِ شوبگ ءَ چین ءِ کمک پکار اِنت۔  مزن وزیر ءَ  گوشت کہ کشت ءُ کشار ءِ  پڑ  ءِ دیمروئی ءِ واستہ چین ءِ تجروبت  آں چہ سیت  چست کناں۔ صنعتی شوبگ ءِ  دیمروئی ءِ واستہ پاکستان ءِ تجروبت  آں چہ سیت  چست کنگ لوٹاں۔   آئی ءَ گوشت کہ  توامیں جیڈھ گوں جوانیں  ءُ آسودگی رنگ ءَ  گیش ءُ گیوار  بنت۔  مزن وزیر  محمد نواز شریف ءَ گوشت کہ سی پیک چین ءُ پاکستان ءِ نیام ءَ ارزشتی ایں منصوبگ  اِت۔ سی پیک ءِ  رنگ  ءَ  چین ءِ کمک آناں اچبر  بے ھیال کت نہ کناں، چینی سرمایہ کاری آناں پاکستان ءَ  ھمک رنگیں آسراتی پجاری کناں۔  آئی ءَ گوشت کہ چین پاکستان ءِ درستاں چہ مستریں  لائک ءِ  دل یکیم ایں  دوست اِنت۔   پاکستان ءُ چین ءِ یکوئی دراج بُر ءُ پراھ ءُ شاھیگان  ءُ دوئیں ملک آنی نیام ءَ دوستی   وھد ءِ گوما  گیش مھکم  بوتگ اَنت۔