لاہور۔28مئی (اے پی پی): مزن وزیر محمد شہباز شریف ءَ گوشت کہ الس گران بھائی ءِ تہ ءَ پس اتگ، گریبیں ھاندان بزگ اَنت ، پٹرول ءِ قیمت ءِ تہ ءَ گیشی ءِ ھوالگ ءَ وتی دل ءِ سر ءَ سنگ ءِ ایر کتگ، یک کروڑ ءَ چہ گیش بزگریں ھاندان آناں ریلیف دیگ ءِ واستہ 28 ارب کلدار گیشینگ بوتگ، نواز شریف ءَ ایٹمی تراک آنی وھد ءَ 5 ارب ڈالر ءِ پیشوکی قبول کنگ ءِ مٹ ءَ ملکی سیت ءُ دیمپانی ءَ را ترجی داتگ۔ شمبے ءِ روچ ءَ میڈیا ءَ گوں تران کنان ءَ مزن وزیر ءَ گوشت کہ استیں جاور ھال آنی رد ءَ گریبیں ھاندان بزگ بوھگ ءَ انت۔ یک وھدے ءِ نگن، علاج ءِ وستہ زر ءُ نوکری نیست انت۔ محمد شہباز شریف ءَ گوشت کہ بزگر آنی واستہ 28 ارب کلدار ِ فنڈ ءِ پیکیج ءِ بنگیج ءَ کنگ ءَ آں ایشی ءِ چیر دستی ءَ گریبیں ھاندان ءَ را 2 ہزار کلدار ھمک ماہ دیگ بیت۔ آئی ءَ گوشت کہ منی اولی ترجی اِنت کہ معیشت ءِ برجائی ءُ الس ءَ را ریلیف پجاری کنگ بہ بیت ایشی واستہ زوتیں رد ءَ گامگیج کنگ بوھگ ءَ انت۔
