اسلام آباد۔28مئی (اے پی پی): مزن وزیر شہباز شریف ءَ گوشت کہ 28 مئی 1998 ءَ بلوچستان ، چاغی ءِ کوہ ءَ برز ءُ بلند بوھیں نھردگ ءِ توار مرچی ھم جاڑی اِنت، اے پاکستگان ءِ وتی آزاتی، وت مستری ءُ دیمپانی ءِ ھوالگ ءَ اچ رنگیں سمجھوتہ نہ کنگ ءِ سہرائیں درشان ءِ تاریخی روچ اِنت، مرچیگیں روچ پاکستان ءِ یکوئی، یک مشتی ءُ یک بوھگ ءِ روچ اِنت، ھمے یک مشتیں پاکستان ءِ راستیں ھاٹیگ اِنت۔ اے گپ ءِ درشان ءَ کنان کہ پاکستان ءِ دیمپانی، سلامتی ءُ راجی سیت ءِ واستہ کجام رنگیں قربانی ءَ چہ اچ وڑ ءَ چک ءُ پد نہ باں۔ پاکستان ءِ جوہری تراک آنی سلور جوبلی ءَ چہ راج ءَ را مبارک بات دیان ءَ مزن وزیر ءَ گوشت کہ 28 مئی 1998 ءَ بلوچستان ، چاغی ءِ کوہ آنی سر ءَ تکبر ءِ آواز بوتگ۔ پاکستان ءِ دیمپانی ءِ میڈل بلوچستان ءِ سینگ ءِ سر ءَ سمبھینگ بوتگ۔ اے پاکستان ءِ آجوائی، وت مستری ءُ دیمپانی ءِ سسر ءَ سمجھوتہ نہ کنگ ءِ سہرائیں درشان ءِ تاریخی روچ اِنت۔ مزن وزیر ءَ گوشت کہ پاکستان ءِ ایٹمی پروگرام ءِ بنگجی کار شہید ذولفقار علی بھٹو ءَ را رتوسیپ ءُ سلام پیش کناں۔ پاکستان ءِ شرپ ءَ را گیش کنوک محمد نواز شریف ءَ را توسیپ ءُ ستا پیش کناں۔ آئی ءَ گوشت کہ محمد نواز شریف ءَ ھمک لالچ ، ھمک زوراکی ءَ را رد کتگ پاکستان ءَ را دگنیا ءِ ھپتمی ءُ اسلامی دگنیا ءِ اولی ایٹمی طاقت جوڑ کتگ۔ ذولفقار علی بھٹو ءَ مزن وزیر نواز شریف ءَ تاں توامیں حکومت ءُ ایٹمی پروگرام آنی ھوالگ ءَ توامیں زمہ واری آناں راج سلام پیش کنت۔ مزن وزیر ءَ گوشت کہ مئے سائنسدان ، انجینئرز مئے ایٹمی پروگرام ءَ را دیمروئی دیگ ءِ پڑ ءَ ھمک بامرد لائک ءِ توسیپ ءُ ستا اِنت، اے راج ءِ ہیرو اَنت۔ مئے سلاھ بندیں ارد ءَ ایٹمی پروگرام ءِ واستہ ھما جوزگ پیلو کنگ انت آ تاریخ ءِ جوانیں در اَنت۔ آئی ءَ گوشت کہ پاکستان اٹامک انرجی کمیشن ءَ را توسیپ ءُ ستا پیش کت۔ آئی ءَ گوشت کہ راجی ادارگ آں راجی سلامتی ءُ دیمپانی ءِ واستہ بے کساس کرد پیلو کتگ۔
