ملکی فلمی صنعت ءَ را ریلیف دیگ ءِ واستہ فلم  اینڈ کلچر پالیشی 2018 ءِ برجائی ءِ ٹوھیں پیسلہ ، فلم ءُ دو د ءُ ربیدگ ءِ  سٹیک ہولڈرز آں گوں شور ءُمشور ءَ چہ پد  رد ءُ بند  کتگیں شور ءُ مشور آناں بجٹ ءِ بھر جوڑ کنگ بیت،  زوت شپارش آناں تیار کنان ءَ مزن وزیر ءَ را  پیش کناں،  مریم اورنگزیب

اسلام آباد۔28مئی  (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ ملکی فلمی  صنعت  ءَ را ریلیف دیگ ءِ واستہ  فلم اینڈ کلچر  پالیشی 2018 ءِ برجائی  ءِ ٹوھیں پیسلہ  ءَ کنان ءَ گوشت کہ فلم  دود ءُ ربیدگ ءِ سٹیک ہولڈرز آں گوں شور ءُ مشور ءَ چہ پد  رد  ءُ بند کتگیں شور  ءُ مشور آناں بجٹ  ءِ  بھر جوڑ کنگ  بیت،  اے ھوالگ ءَ زوت سپارش  تیار کنان ءَ مزن ویزر ءَ را پیش کناں۔  اے ھیالانی درشانی آئی ءَ  فلم  ءِ  پروڈیو سر  ایسوسی ایشن ءِ ڈل ءَ گوں تران  کنان ءَ کت  آئی ءَ   شمبے ءِ روچ ءَ  آئی ءَ گوں گند ءُ نند کت۔  ڈل ءِ  تہ ءَ  شیخ امجد رشید، پیر سعد، سید نور، ساتش آنند  ءُ  بدر اکرام  ھوار اتنت۔   آواں  زھگ آنی واستہ تیار بھوکیں  چیز آنی سر ءَ ھاسیں   کنسیشن دیاں تانکہ زھگ آنی  واستہ  گہتریں جوانیں تامر ، کارٹون ، کسمانک ، کسو ءُ  وانگ ءُ زانگی ھیل کاری آنی ھوالگ ءَ پروگرام آنی  دلبڈی بہ بیت۔   مریم  اورنگزیب ءَ گوشت کہ الس آناں   سیل ءُ سواد ءِ موہ  پجاری ءِ واستہ ٹکٹ ءِ نیاد آنں کم، شوٹنگ   ءِ واستہ اجازت نامہ آناں آسان جوڑ کنت، فلم ، کسمانک، سٹیج ءُ   تژن ءُ بچکند پاکستان ءِ میاں اوستمانی امیج ءَ را گہتر  جوڑ کنگ ءَ کلیتی کرد پیلو کت کناں۔  فلم پروڈیوسر ز ایسوسی ایشن  ءِ ڈل ءَ  بنجاھی وزیر اھوالکاری  مریم اورنگزب ءَ تامری صنعت  ءِ برجائی ءِ بابت ءَ  گامگیج ءَ را سرپد کت۔ بنجاھی وزیر  اھوالکاری ءَ دل یکیمی دات  کہ فلم پروڈیوسرز ایسو سی ایشن  ءِ لوٹ،  جیڈھ ءُ  ایشانی گیواری ءِ واستہ یکجائی ءَ کار کنگ بہ بیت۔