اسلام آباد۔27مئی (اے پی پی): مزن وزیر شہباز شریف ءَ گوشت کہ استیں حکومت لوٹ ائیت کہ پاکستان ءِ سرجمیں رنگ ءَ دیمروئی ءِ واستہ درستاں ھمبراہ کنگ ءُ دیم ءَ روگی اِنت، ملکی دیمروئی رکھینگ ءِ واستہ درستاناں یکجائی ءَ کار کنگی اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ السی نیشنل پارٹی خیبر پختونخوا ءِ صدر ایمل ولی خان ءَ گوں تران کنان ءَ آئی ءَ آدینگ ءِ روچ ءَ گند ءُ نند ءَ کت۔ گند ءُ نند ءَ بنجاھی وزیر اقتصادی کار ءُ پیسریگیں راجی اسمبلی ءِ سپیکر سردار ایاز صادق ھم شریک اَت۔ گند ءُ نند ءَ استیں ملکی سیاسی جاور ھال آنی سر ءَ تران کنگ بوت۔ اے موہ ءِ سر ءَ مزن وزیر ءَ گوشت کہ استیں حکومت لوٹ ائیت کہ پاکستان ءِ سرجمیں رنگ ءَ دیمروئی ءِ واستہ درستاناں یکجائی ءَ دیم ءَ روگی اِنت۔ ملکی دیمروئی ءُ رکھینگ ءِ واستہ درستاناں یکجائی ءَ کار کنگی اِنت۔ ایمل ولی خان ءَ مزن وزیر ءَ را ڈیرہ اسماعیل خان ءِ جنگل آناں آس لگگ ءِ ھوالگ ءَ زوتاں زوت نوٹس ءُ کامیاتی ءَ گوں آپریشن ءِ ھوالگ ءَ توسیپ ءُ ستا پیش کت۔
