اسلام آباد۔27مئی (اے پی پی):چیف آف دی نیول اسٹاف ایڈمرل محمد امجد خان نیازی ءَ گوشت کہ پاکستان یک ایمن دوستیں ملک ات بلے مئے ایمنی ءِ واھشت آناں ھمزور پھمگ مہ بیت، پڑے مٹ بوھوکیں میری تائم جاور ھال آنی رد ءَ ھمک ساھت تیار بوھگ المی اِنت۔ اے ھیالانی درشانی آئی ءَ پاکستان نیوری وار کالج لاہور ءَ پاک بحریہ ءِ 51 پنجاہ ءُ یکمی اسٹاف کورس ءِ کانوکیشن مراگش ءَ ھاسیں مہمان ءِ بستار ءَ گشتانک دیان ءَ کت۔ مراگش ءَ کورس ءِ سرجم کنوکیں 98 اپسرگ آنی ماسٹر ز ڈگری دیگ بوتگ۔ ترجمان پاک بحریہ ءِ رد ءَ کورس ءَ پاکستان ءِ سلاھ بندیں ارد ءَ ابید دوستیں ملک آنی 32 اپسرگی شریک اتنت۔ مراگش ءَ گوں گشتانک دیان ءَ نیول چیف ءَ گوشت کہ پاکستان یک ایمنی دوستیں ملک ات بلے مئے واھشت آناں مئے ھمزوری پھمگ مہ بیت۔ پاکستان گوں یک دژمنے ءَ گوں دیم پہ دیم انت، آ وتی روایتی جنگ ءِ پڑ ءَ یک شلی ءَ گیشی کنگ ءَ انت۔ آئی ءَ گوشت کہ پڑے ءِ مٹ بوھوکیں میری ٹائم جاور ھال آنی گر ءُ دار ءِ واستہ ھمک ساھت ءَ تیار اِنت۔ ایشی ءَ پیسر کالج ءِ کمانڈانٹ ءَ کورس ءِ اساھت ءَ شریں جتا جتائیں کزبی ءُ وانگ ءُ زانگی چست ءُ ایر آنی سر ءَ چار ءُ تپاسی پیش کت۔
