اسلام آباد۔26مئی (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشت کہ عمران خان وتی ورکرز آناں سڑک ءِ سر ءَ یل داتگ ءُ وت بنی گالا ءَ شتگ وپسگ ءَ، آئی ءِ لانگ مارچ ھرابیں رنگ ءَ ناکام بوتگ، الس آں گوشتگ کہ آ دیمروئی ءُ وشھالی ءِسیاست لوٹاں، کشاں چیل ءُ جنگ ءُ چوپ ءِ سیاست رد بوتگ۔ حکومت وتی وھد ءُ پاس ءَ سرجم کنت، الیکشن ءِ جار حکومت ءُ ھمبراھیں مردم نامینتگیں وھد ءُ پاس ءَ کنت اِنت، مزن وزیر شہباز شریف پاکستان ء، الس ءَ را معاشی ڈکال ءَ چہ در کنگ ءِ واستہ شپ ءُ روچ ازمت کنگ ءَ انت۔ پنچ شمبے ءِ روچ ءَ پارلیمنٹ گس ءِ ڈن ءَ میڈیا ءَ گوں تران کنان ءَ آئی ءَ گوشت کہ زیک سرجمیں راج ءَ دیستگ کہ کشاں چیل ءُ جوڑیشتی سیاسیت ءِ تہ ءَ چے پرک اِنت۔ آئی ءَ گوشت کہ پاکستان ء، الس آں آئی ءَ را شر دیستگ ءُ زانتگ، 2014 ءَ ھم عمران کان نیازی ءَ جاک ءُ کوکار کتگ ءُ ھالیگیں دست ءَ شتگ۔ اے رند ءَ ھم آئی ءَ وتی ورکرز آناں سڑک ءِ سر ءَ یل داتگ ءُ بنی گالا ءَ وپسگ ءَ شتگ۔
