اسلام آباد۔26مئی (اے پی پی): وزیر ءِ مملکت برائے تہی کار عبدالرحمان کانجو ءَ گوشت کہ اسلام آباد ءِ سیکٹر جی سکس ءُ ایف سکس ءَ سرکاری گس آنی مرمت ءُ چار ءُ گزار ءِ واستہ بجٹ ءِ تہ ءَ گیشی کنگ بہ بیت۔ پنچ شمبے ءِ روچ ءَ راجی اسمبلی ءَ عالیہ کامران ءِ سیکٹر جی سکس ءُ ایف سیکس ءَ سرکاری گس آنی مرمت نہ کنگ ءِ ھوالگ ءَ دلگوشی نوٹس ءِ پسو ءَ دیان ءَ وزیر ءِ مملکت برائے تہی کار عبدالرحمن کانجو ءَ گوشت کہ 15 ہزار گس، اے بی سی ڈی ءُ کے بلاک ءِ مرمت پکار انت۔ اے پنجاپ سال کوھنیں گس انت، ایشانی مرمت ءِ واستہ فنڈ کم انت، فنانس ءَ گوں گپ کنگ ءَ پد ایشانی مرمت ءِ واستہ منسوبگ جوڑ کنگ ءِ ضلورت انت۔ اگاں مرمت کنگ نہ بوت گڈا یک جیڈھ ءُ واکیہ ءِ بوت کنت۔ ایشی ءِ پسو ءَ عبدالرحمن کانجو ءَ گوشت کہ اے توامیں گس آنی جوڑیشت ءِ ھوالگ ءَ ایوک ءَ 261 ملین کلدار انت ، ایشانی سر ءَ کار بوت نہ کنت۔
