اقوام متحدہ۔26مئی (اے پی پی):پاکستان ءَ یونائیٹڈ نیشن ءِ سلامتی کونسل ءَ بھارتی آمید گس ءِ نیمگ ءَ کشمیری حریت سروک یاسین ملک ءِ ناشرکاری ءِ دروگیں کیس ءَ امبر کیز ءِ سزا ءِ مذمت ءَ گران ءَ اے پیسلہ ءَ را بھارت ءِ گیر کانودی رنگ ءِ آوار جتگیں دمگ جموں کشمیر ءَ بھارتی زوراکی ءُ ظلم ءِ نوکیں درور ءِ نامینتگ۔ یونائیٹڈ نیشن ءَ پاکستان ءِ گشتانکار منیر اکرم ءَ سلامتی کونسل ءَ “ناشرکاری ءَ شہری الس آناں رکھینگ” ءِ بن گپ ءِ ھوالگ ءَ باست ءُ واست ءِ ساھت ءَ گوشتکہ ایندگر نوک لہڈ بوھوکیں طاقت ءِ رد ءَ بھارت ءَ کشمیر ءِ آجوئی ءَ را ناشرکاری رنگ ءَ پیش کتگ ایش آوانی کانودی جہد ءُ کوشست ءَ را لگت مال کنگ ءِ کوشست انت، ءُ اے میاں اوستمانی کانود ءِ لگت مال ءُ جنگی دست مانجنی ءِ تہ ءَ ھوار انت۔ آئی ءَ گوشت کہ بھارت ءِ کینگرو آمید گس ءِ کشمیری آجوائی سروک یاسین ملک ءِ ھلاپ ءَ ناشرکاری ءِ دروگیں کیس ءَ امبر کیز ءِ سزا ءِ پیسلہ بھارتی زوراکی ءِ تاجگیں درور اِت۔ آئی ءَ گوشت کہ مزن ویر پاکستان محمد شہباز شریف ءِ بیان ءِ ھوالگ دات ءُ گوشت ایشی ءِ تہ ءَ آئی ءَ بھارت یاسین ملک ءَ را کیز کت کنت بلے آئی ءِ آجوئی ءِ لیکہ ءَ را اچبر کیز کت نہ کنت۔
