اسلام آباد۔26مئی (اے پی پی): وزیر ءِ تہی کار رانا ثناء اللہ ءَ گوشت کہ الس آں جنگ ءُ چوپ ءِ آس ءَ را دمینوک آناں رد کتگ، پولیس ءَ یک ھم ربڑ والائیں تیر ءِ نہ جتگ، اے درستیں گپ دروگ ءُ بٹاک اَنت۔ آئی ءَ گوشت کہ من اسلام آباد پولیس ءُ رینجر ءِ ھمک ورنا آناں توسیپ ءُ ستا پیش کناں۔ پنچ شمبے ءِ روچ ءَ وزارت ءِ تہی کار ءِ نیمگ ءَ جاڑی بوتگیں بیان ء، رد ءَ آئی ءَ گوشت کہ سرجمٰں شپ ءَ وت سیکورٹی جاور ھال آنی مانیٹرنگ کتگ۔ الس آں فسادی، لچڈ آناں سرجمیں رنگ ءَ یک کر کتگ۔ سپریم کورٹ ءَ گوں دروگ بستگ ءُ اسلام آباد ءَ منوگر کتگیں جاہ ءَ مچی ءُ میڈی کنگ ءِ موہ ءَ گران ءَ عمران نیازی شہر ءِ اندر ءَ پترتگ ءُ ڈی چوک ءِ جار جتگ ءُ وعدہ ءُ قرار ءِ ھلاپ کتگ۔ آئی ءَ گوشت کہ کورٹ ءِ پیسلہ ءِ نام ءَ جنگ ءُ چوپ ءُ آ جنگ بوتگ الس آں درستیں گپ دیستگ اَنت، سپیریم کورٹ ءِ پیسلہ ءَ را لگت مال کتگ۔ سرجمٰں شپ ءَ عمران خان صاحب کنٹینر ءَ چہ آمید گس ءِ بے شرپ کنگ ءِ جار ءَ را جتگ۔ آئی ءَ گوشت کہ پولیس ءَ یک ھم ربڑ ءِ تیر ءِ نہ جتگ توامیں گپ دروگ ءُ بٹاک اَنت۔ آئی ءَ گوشت کہ ریجنر ءُ پولیس ءِ ھژدھ کارندہ سک باز ٹپی بوتگ اَنت۔
