اسلام آباد۔25مئی (اے پی پی): مزن وزیر شہباز شریف ءَ گوشت کہ حکومت توامیں ھمبراھیں مردم آنی گوما یکجائی ءَ الس ءِ گہبود ءِ ایجنڈا آناں سرجمی ءِ سیم سر ءَ تاں پجارینگ ءِ واستہ شپ ءُ روچ کار کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ بلوچستان نیشنل پارٹی ءِ کلانہ ایں سروک آنی ڈل ءَ گوں تران کنان ءَ کت آئی ءَ چار شمبے ءِ روچ ءَ آئی ءَ گوں گند ءُ نند کت۔ ڈل ءَ وزیر ءِ سائنس ءُ ٹیکنالوجی آغا حسن بلوچ، وزیر ءِ مملکت ھاٹیگ محمد ہاشم نوتزئی، سینیٹر محمد قاسم رانجو ءُ بی این پی ءِ سیکریٹری جنرل جہانزیب حسین ھوار اتنت۔ گند ءُ نند ءَ ھواریں سیاسی جاور ھال آنی سر ءَ ھیال ریچی کنگ بوت۔ بی این پی ڈل ءِ نیمگ ءَ حکومتی پالیشی آنی سر ءَ سرجمیں دل یکیمی ءِ درشان کت۔ گند ءُ نند ءَ مزن وزیر ءَ گوشت کہ حکومت توامیں ھمبراہیں مردم آنی گوما یکجائی ءَ السی گہبود ءِ ایجنڈا آناں سرجمی ءِ سیم سر ءَ تاں پجاری ءِ واستہ شپ ءُ روچ کار کنت۔
