اسلام آباد۔25مئی (اے پی پی): مزن وزیر شہباز شریف ءَ گوشت کہ کروٹ ہائیڈرو پاور پلانٹ ءِ سرجمی ءَ چہ ملک ءَ ھاٹیگ کمیگ ءَ را گر ءُ دار ءَ کمک رسیت، جاک ءُ کوکار ءَ معیشت ءَ را بے کساس تاوان پجارینتگ، نوں وھد اتکگ کہ گوست ءَ ردئیگ ءَ چہ سبک گرگ ءُ جاک ءُ کوکار کنوک آناں یک کر ءُ پاکستان ءِ جوڑیشت کنگ بہ بیت۔ چار شمبے ءِ روچ ءَ کوروٹ ہائیڈرو پاور پلانت ءِ تر ءُ تاب ءِ موہ ءَ ورکرز ءُ چینی میڈیا ءَ گوں گشتانک دیان ءَ مزن وزیر ءَ گوشت کہ چینی صدر شی جن پنگ ءُ پیسریگیں مزن وزیر نواز شریف ءَ اے منصوبگ ءِ بن ھشت ایر کت، اے منصوبگ ءَ چہ 720 میگاواٹ توان پیداک بیت، آئی ءَ گوشت کہ چینی صدر دور چاریں لیڈر اِت۔ مزن وزیر ءَ گوشت کہ پیسریگیں حکومت ءِ کرا اپوزیشن پارٹی ءَ را دیوار ءَ گوں جنگ، چاگرد ءَ را کپ کپ کنگ، ءُ زاہ ءُ بد کنگ ءِ واستہ باز وھد است بلے گران بھائی، گریبی ءُ بے روزگاری ءَ را کنٹرول کنگ ءِ واستہ آوانی کرا وھد نیست۔ آوانی کرا وھد نیست، پیسریگیں مزن وزیر ءَ اے منصوبگ ءِ سر ءَ تاب ءُ تاب ھم نہ کتگ۔ آئی ءَ گوشت کہ ملک ءَ کانودی رپک ءَ چہ مئے حکومت سروکی ءَ اتکگ ءُ لُکوکیں وھد ءُ پاس ءَ ما معاشی ارزشت ءِ منصوبگ آنی سر ءَ دلگوشی داتگ۔ مرچی اے منصوبگ ءِ تر ءُ تاب کنگ ءِ واستہ ادا اتکگ آں۔ مزن وزیر ءَ گوشت کہ منصوبگ ءِ سر ءَ کار کنوکیں چینی کمپنی آنی زمہ واریں مردم ءُ انجینئرز آں دل یکیمی داتگ کہ اے منصوبگ زوت سرجمیں رنگ ءَ کار بندات بیت ءُ نیشنل گرڈ ءَ را 720 میگاواٹ توان پجاری کنت۔ اے سستائیں توان بیت ءُ ھمو وڑ سرمایہ کاری ءِ کساس کم بیت ءُ وام آنی ادائیگی بیت گڈاس توان ءِ قیمت ءَ گیش کمی بیت ءُ وام ءِ دیگ ءَ چہ یک وھد ءِ کئیت کہ توان ءِ قیمت 3 کلدار یک یونٹ بیت، اے منصوبگ ءَ چہ ایٹماسپیئر ءِ ھرابی ءِ جیڈھ ھم نہ بیت۔ مزن وزیر ءَ گوشت کہ پاکستان ءُ چین آئرن برات اَنت، اے منصوبگ ءَ چہ چینی حکومت ءِ شگر ءُ منت وار آں۔ مزن وزیر ءَ پنجاپ ءُ آزات کشمیر ءِ حکومت ءَ گوں دزبندی کت کہ اے زر 10 درسد ھمک سال 12 کروڑ کلدار بنت آیوکیں 30 سال ءَ تاں اے دمگ ءِ الس آنی دیمروئی ءُ گہبود ءِ واستہ ھرچ ءُ درچ ءِ بکن اَنت آئی ءَ اے منصوبگ ءِ واستہ زمین ءُ قربانی دات۔ اے موہ ءِ سر ءَ بنجاھی وزیر احسن اقبال ، خرم دستگری ، چینی کمپنی آنی نماھندگ ، انجینئرز ءُ باسک ساڑی اتنت۔
