اسلام آباد۔ 25 مئی (اے پی پی) وزیراعظم شہباز شریف خیبرپختونخوا پولیس نا سب انسپکٹر سحرگل نا شہیدی آ است ہسونی نا درشانی ءِ کرینے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہید پولیس کارندہ نا خاہوت و چناتتون ہمدردی نا درشانی ءِ کرے۔ وزیراعظم پارے کہ تینا چناتے اسکول آن اتنگ کن باوہ نا شہیدی آ بھاز است ہسون ءِ۔ وزیراعظم خیبرپختونخوا …
وزیراعظم شہباز شریف نا خیبرپختونخوا پولیس نا سب انسپکٹر سحرگل نا شہید ی آ ہڑزخواہی نا درشان
گیشتریں ھال
اسلام آباد۔ 25 مئی (اے پی پی) وزیراعظم شہباز شریف خیبرپختونخوا پولیس نا سب انسپکٹر سحرگل نا شہیدی آ است ہسونی نا درشانی ءِ کرینے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہید پولیس کارندہ نا خاہوت و چناتتون ہمدردی نا درشانی ءِ کرے۔ وزیراعظم پارے کہ تینا چناتے اسکول آن اتنگ کن باوہ نا شہیدی آ بھاز است ہسون ءِ۔ وزیراعظم خیبرپختونخوا ٹی پولیس کارندہ غاتیا ودوک آ جلہو آتیا گڑتی نا درشانی ءِ کرسا پارے کہ وزیراعلیٰ خیبرپختونخوا صوبہ ٹی امن و ایمنی نا حالیت آتیا چکار کے۔ وزیراعظم پارت کرے کہ شہید پولیس سب انسپکٹر ءِ شہداء پیکج تننگے، چناتا تعلیم و خاہوت نا کفالت ءِ پک کننگے۔ وزیراعظم و وزیرداخلہ انجینئر امیر مقام ءِ شہید پولیس کارندہ کن مالی کمکاری ءِ پک کننگ نا ہم پارت کریر۔ وزیراعظم شہید پولیس کارندہ نا درجہ غاتا بڑزی و خاہوت کن صبر و جمیل نا دعاہم کرے۔
