پی ٹی آئی عہدیدار آتا اُراتیان بھلو سلہہ و گولہ بارود اس دوئی مننگ خونی مارچ انا شاہدی ءِ، وزیر داخلہ

اسلام آباد۔ 25 مئی (اے پی پی) وزیرداخلہ رانا ثناء اللہ خان پارینے کہ پی ٹی آئی عہدیدار آتا اُراتیان بھلو سلہہ و گولہ بارود اس دوئی مننگ خونی مارچ انا شاہدی ءِ، سیاست نا لویس اٹ دہشت گردی نا سازش ءِ سگپنہ،  عمران نیازی خیبرپختونخوا حکومت نا سرکاری وسیلہ و سرکاری مشینری ءِ تینا پھسات کن کاریم اٹ اتپ۔ چارشنبے نادے آ وزارت داخلہ غان جاری بیان نا رداٹ وزیرداخلہ پارے کہ لاہور پی ٹی آئی نا جنرل سیکرٹری نا اُرا بارود خانہ اس پیش تمانے۔ اوپارے کہ داشاہدی ءِ کہ عمران نیازی سیاست کپننگ ءِ، دہشت گردی آ بسنے۔ بے گناہ پولیس ورنا کمال احمد نا سینہ ٹی لگوک آ سم ہراکان بس، قوم خنانے۔ پک مسنے کہ دا پرامن سیاسی کاررواں اس اف بلکن سلہہ بند لشکر کشی اسے۔ دا دوئی مننگ، پنجاب پولیس نا ورنانا شہیدی آن پد عمران نیازی آ پت کننگ کپنہ۔ عمران نیازی ءِ پاوہ کہ خونی انقلاب ءِ منسوخ کے، آئین، کانود و امن نا کسر ءِ ہلے۔ عمران نیازی خیبرپختونخوا حکومت نا سرکاری وسیلہ و سرکاری مشینری ءِ تینا پھسات کن کاریم اٹ اتپ۔ زرگزران نا بنداو تیٹی بارود پُرکروک آتے راج انا امن ءِ بھس مننگ کن الیپنہ۔ آئین و کانود آ سختی اٹ عمل مریک، کانود بیرہ ہمودے ہلیک ہراکانود ءِ دوٹی ہلیک۔ الس نا جان و مال انا رکھ ءِ ہر حال اٹ پک کینہ۔ پونے چارسال قوم ءِ قول آتا ٹرک انا بتی نا پد اٹ خلوک آ داسہ بتی چوک نا توار خلنگ ءُ۔