عمران خان ملک اٹی خانہ جنگی خواہک، پی ٹی آئی عہدیدار آتا اُراتیان سلہہ نا دوئی مننگ آن عمران خان نا ارادہ بے نقاب مسنے، مریم اورنگزیب

اسلام آباد۔ 25 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان ملک اٹی خانہ جنگی خواہک ، پی ٹی آئی نا عہدیدار آتا اُراتیان سلہہ غاتا دوئی مننگ آن عمران صاحب نا ارادہ بے نقاب مسنے، ملک اٹی اینو انتس کہ مننگ ءِ الس اوفتے خننگ ءِ  و اوفتا زموار بیرہ عمران خان ءِ۔ چارشنبےناد ے آ تینا اسہ بیان اسے ٹی اوپارے کہ عمران خان پاکستان اٹی خانہ جنگی نا سازش کننگ ءِ، او سلہہ غاتا زور آ اسلام آباد آ کوزہ کننگ خواہک۔ اوپارے کہ توفک ، بمب و گولہ بارود اٹ بے چیٹی تالان کننگ کن الیپنہ۔ حکومت الس نا جان و مال انا رکھ ءِ پک کننگ نا پابند ءِ۔ بنجائی وزیر حوالکاری پارے کہ سم آتا چلینگ انگ، ہُشنگ و گھیڑ کننگ نا رویہ سیاسی اف، سیاسی سرجز و لشکرکشی نا نیام اٹ پیدوار ءِ لکیر اس چکوئی مریک۔