لوڈشیڈنگ پورو وڑاٹ ختم مننگ کپک، وخت ءُ پاس ءِ کم کننگ کن گام گیج کننگ اُن، وزیر مملکت بجلی ہاشم نوتیزئی

اسلام آباد۔ 24 مئی (اے پی پی) وزیر مملکت توانائی ہاشم نوتیزئی پارینے کہ لوڈشیڈنگ پورو وڑاٹ ختم مننگ کپک ، وخت ءُ پاس ءِ کم کننگ کن گام گیج کننگ اُن، خضدار، مکران، ماشکیل ٹرانسمیشن لائن بروک آ سال پورو مریک۔ سے شنبے نادے آ بڑزکو ایوان نا دیوان اٹی وقفہ سوج آتیٹی سینیٹر محمد اکرم ، محمد قاسم ، کامران مرتضیٰ ، دنیش کمار وکیشو بائی نا سوج آتا ورندی ٹی اوپارے کہ حکومت بجلی نا حالیت آتے گچین کننگ کن گام گیج کننگ ءِ، ایندھن نا بست وبند ءِ کننگ انگ ءِ، کیسکو780 میگاواٹ بجلی ہلنگ کیک ولے داوخت آ 690 میگاواٹ بجلی ہلنگ انگ ءِ، صوبہ نا الس ءِ بجلی نا گچین فراوانی کن اودے پورو کوٹہ کاریم اٹ اتنگے۔ اوپارے کہ کراچی آن لسبیلہ اسکان ٹرانسمیشن لائن کن پی ایس ڈی پی ٹی فنڈ جتا کننگتو ولے مکران، ماشکیل، خضدار آن گوادر اسکان ٹرانسمیشن لائن آ کاریم برجاءِ و دا بروک آ سال پورو مریک ہراڑآن اوفتے نیشنل گریڈ اتون منسلک کننگک۔