نیب آرڈیننس بل انا دروشم اٹ پارلیمنٹ اٹ پیش کننگک، بنجائی وزیر کانود اعظم نذیر تارڑ

اسلام آباد۔ 24 مئی (اے پی پی) بنجائی وزیر کانود اعظم نذیر تارڑ پارینے کہ کانود غلط مفک، اونا کاریم اٹ اتنگ ءِ غلط کننگک، نیب آرڈیننس بل انا دروشم اٹ پارلیمنٹ اٹ پیش کننگک، کانود یا ادارہ اسے چٹفنگ نا اختیار پارلیمنٹ اتون ءِ حکومت تون اف۔ سے شنبے نادے آ بڑزکو ایوان اٹی وقفہ سوج آتیٹی سینیٹر ذیشان خانزادہ، سعدیہ عباسی، و ایلو باسک آتا سوج آتا ورندی ٹی اوپارے کہ نیب انا بابت سپریم کورٹ و چیف جسٹس نا ریمارکس ہم ساڑی ءِ، دا ادارہ نا بابت کانود جوڑ کننگ نا گرج ءِ، نیب انا کانود مشرف دور اٹی منظور کننگاسس ولے جمہوری دور اٹی داٹی ترمیم مرسا کرے، نیب آرڈیننس بل انا دروشم اٹ پارلیمنٹ اٹ پیش کننگک، کانود یا ادارہ اس کانودجوڑ کننگ نا کمک اٹ ہی پارلیمنٹ چٹفنگ کیک، کرپشن نا چٹفنگ و احتساب تون گنڈوک ادارہ غاتا کاریم بایدے مون آ برے، بیرہ تشہیر آن اونا کارکڑد پیدوار مفک۔ اوپارے کہ نیب انا بابت بل ہراتم بریک تو غٹ باسک آتے مرے کہ او دا بابت تینا سلاہ تے ایتر۔