بنجائی وزیر حوالکاری عمران خان نا 2014 ء نا بیدادی و بے چیٹی نا ویڈیو اس جاری کرے، قوم ءِ سیاست اٹ بیدادی نا مذمت ءِ کروئی مریک، مریم اورنگزیب

اسلام آباد۔ 24 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ سیاست نا آڑ اٹ کانود نا رکھوالاتے دہشت گردی نا شست کننگ بیرہ لاکانودیت و غنڈہ گردی اسے ۔ سے شنبے نادے آ تینا ٹویٹ اٹی اوعمران خان نا 2014 ء نا بیدادی و بے چیٹی نا ویڈیواس جاری کرسا پارے کہ خونی مارچ انا منظر دا مریک۔ اوپارے کہ قوم ءِ سیاست اٹ بیدادی نا مذمتءِ کروئی مریک۔ قوم گیرام کپ دا ہمو فسادی و فتنہ جتھ ءِ ہرا ملک اٹی اسہ وار ولدا بے چیٹی تالان کننگ کن بننگ ءِ۔ اوپارے کہ عمران خان 9 اگست 2014 ء آ پاریسس کہ ننا اسلام آباد نا کنڈآ پرامن مریک و ولدا او 126 دے پاکستان اٹ سول نافرمانی کرے۔ مخلوق ءِ بے چیٹی آ ہشکا تننگ، بجلی نا بل آتے ہُشنگ، ہنڈی اٹ پیسہ گدریفنگ و خلبو، بٹبو، ہشبو نا پھسات  ءِ الس خنا، قوم سیاست اٹ پھسات و بے چیٹی نا مذمت ءِ کے۔