وزیراعظم شہباز شریف نا بِک و جغر نا ہسپتال پاکستان کڈنی اینڈ لیور انسٹیٹیوٹ نا بورڈ انا بحالی نا پرمان

اسلام آباد۔ 23 مئی (اے پی پی) وزیراعظم شہباز شریف بِک و جغر نا ہسپتال پاکستان کڈنی اینڈ لیور انسٹیٹیوٹ (پی کے ایل آئی) لاہور نا بورڈانا بحالی نا باضابطہ پرمان جاری کرینے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ ڈاکٹر سعید اختر ءِ امریکہ غان پدی بٹنگسا ولدا پی کے ایل آئی نا چیئرمین مقرر کننگانے۔ وزیراعظم شہباز شریف تدوک آ دے پی کے ایل آئی نا بورڈ آف گورنرز نا دیوان نا کماشی ءِ کریسس۔ چارسال مست ڈاکٹر سعید اختر عدالتی کارروائی و ایلو ویل آتیان پد امریکہ غا پدی ہناسس۔ ڈاکٹر سعید اختر شہباز شریف نا جوزہ ترفنگ آ امریکہ غان کل گڑاتے ہلسا پاکستان آ بسوسس۔ وزیراعظم شہباز شریف ڈاکٹر سعید اختر ءِ پدی اتنگ اٹ ذاتی وڑاٹ کڑد ادا کرے۔ پی کے ایل آئی بِک و جغر نا پیوندکاری نا پوسکن آ و جہانی آب انا حامل اولین ادارہ ءِ۔ یات سلے کہ وزیراعظم شہباز شریف بطور وزیراعلیٰ دا ڈٹ ءِ جغر وبِک انا ناجوڑ آتے پیشن نا ملک درمان نا کبین خڑچ و سفری مشکل آتیان بچفنگ کن جوڑ کریسس۔ عمران خان حکومت اٹی دا ڈٹ ءِ ہم سیاسی انتقام نا شست کننگا۔