اسلام آباد۔ 23 مئی (اے پی پی) وزیرخارجہ بلاول بھٹو زرداری جہانی اقتصادی فورم نا مسہ دےئی سالانہ دیوان اٹی بشخ ہلنگ کن سویٹزرلینڈ نا شار ڈیووس آ روانہ مس۔ دفترخارجہ نا ترجمان نا کنڈآن دوشنبے نادے آ جاری بیان نا رداٹ وزیرخارجہ ءِ دیوان اٹی بشخ ہلنگ نا سلہ جہانی اقتصادی فورم نا صدر خلکونے۔ وزیر مملکت خارجہ حناربانی کھر ہم وزیر خارجہ بلاول بھٹو زرداری تون اوار ءِ۔ …
وزیرخارجہ بلاول بھٹو زرداری جہانی اقتصادی فورم نا مسہ دے ئی سالانہ دیوان اٹی بشخ ہلنگ کن ڈیووس آ روانہ
گیشتریں ھال
اسلام آباد۔ 23 مئی (اے پی پی) وزیرخارجہ بلاول بھٹو زرداری جہانی اقتصادی فورم نا مسہ دےئی سالانہ دیوان اٹی بشخ ہلنگ کن سویٹزرلینڈ نا شار ڈیووس آ روانہ مس۔ دفترخارجہ نا ترجمان نا کنڈآن دوشنبے نادے آ جاری بیان نا رداٹ وزیرخارجہ ءِ دیوان اٹی بشخ ہلنگ نا سلہ جہانی اقتصادی فورم نا صدر خلکونے۔ وزیر مملکت خارجہ حناربانی کھر ہم وزیر خارجہ بلاول بھٹو زرداری تون اوار ءِ۔ وزیرخارجہ بلاول بھٹو زرداری 23 آن 26 مئی اسکان ڈیووس اٹی فورم نا سالانہ دیوان اٹی بشخ ہلیک۔ وزیرخارجہ و وزیر مملکت ہڑتوم آ عصری جہانی و علاقائی ویل آتیا جہانی اقتصادی فورم نا چندی دود آتیٹی بشخ ہلیک۔ وزیرخارجہ مون آ بروک آ جغرافیائی سیاسی پیش رفت نا زرگزرانی و راجی اثرآتون اوار اوار کورونادین، خور و توانائی نا رکھ و موسمیاتی بدلی آن ودی مروک آ چیلنج آتا بارواٹ پاکستان نا نقطہ نظر ءِ پیش کیک۔ بلاول بھٹو زرداری سالانہ دیوان اٹی شریک تینا ہم منصب آتون اوڑدہی و میڈیا تون گپ وتران ہم کیک۔ ورلڈ اکنامک فورم ہرسال سیاسی و کاروباری راہشون آتون اوار اوار جہانی تنظیم آتا نمائندہ ، سول سوسائٹی و مچ آدنیا غان ورناتا نمائندگی ءِ یکجا کیک تانکہ زرگزرانی ، راجی و چاگڑدی چیلنج آتا مون ءِ توننگ کن کسرتا پیدواری ءِ کننگ مرے۔
