عمران نیازی جمہوریت نا قبر ءِ خُتنگ نا کوشست کرے تو کانود اوڑتون مون ایتک، وزیر داخلہ رانا ثناءاللہ خان

اسلام آباد۔ 23 مئی (اے پی پی) وزیرداخلہ رانا ثناءاللہ خان پارینے کہ عمران نیازی جمہوریت نا قبر ءِ ختنگ نا کوشست کرے تو کانود اوڑتون مون ایتک۔ شرافت نا دنگ آن ہراسٹ پیش تمک، کانود اودے شرافت نا دنگ اٹ پدی اتیک۔ دوشنبے نادے آ وزارت داخلہ غان جاری بیان نا رداٹ او پارے کہ زرگزران ءِ بھس کروک آ مارچ انا پڑو کرسا زرگزران نا بحالی ءِ توننگ کن پیش تمانے۔ سرسہب مننگ کن اِلیپنہ۔ عمران نیازی دروغ تڑ اسے، غنڈہ گردی ءِ سگنگ مفک۔ عمران نیازی نا زبان  وخمیر اٹی بے چیٹی و پھسات ءِ او پرامن مننگ کپک۔ 2014ء ٹی 126 دے غنڈہ گردی کننگا، پارلیمنٹ، سرکاری ماڑی تیا جلہو مس۔ عدلیہ نا دیوال آتیا شلوار تے درنجنگا، قبرآتے خُتنگا۔ 2014ٹی ہم اودروغ تڑیسس، یوٹرن نیازی آ کس اسے بھروسہ اف، اوپارے کہ عمران نیازی جمہوریت نا قبر ءِ خُتنگ نا کوشست کرے تو کانود اوڑتون مون ایتک۔ شرافت نا دنگ آن ہراسٹ پیش تمک ، کانود اودے شرافت نا دنگ اٹ پدی اتیک۔