اسلام آباد۔ 23 مئی (اے پی پی) بنجائی وزیر زرکاری بورڈ چوہدری سالک حسین پارینے کہ کشاری بشخ اٹی ویلیو ایڈیشن نا کمک اٹ جہانی سپلائی چین اٹی پاکستان نا بشخ اٹی ودکی مریک، فوڈ پراسیسنگ پاکستان نا اولیتی بشخ آتیان اسٹ ءِ۔ داخیال آتا درشانی ءِ او دوشنبے نادے آ زرکاری بورڈ انا کنڈآن اوپٹما انٹیگریشن گروپ، چین و ایشیا پاک انویسٹمنٹ ، پاکستان نا نیام اٹ مفاہمت نا یات داشت آ دستخط نا دود آن تران کرسا کرے۔ داوخت آ سیکرٹری زرکاری بورڈ فارینہ مظہر، چیئرمین اوپٹما انٹیگریشن گروپ سام سیو، سی ای او سائنو پاک اپٹیما ٹیکنالوجیز عوشہ سلیم باجوہ ئسک ہم ساڑی ئسر۔ داوخت آ بنجائی وزیر زرکاری بورڈ پاکستان نا کشت وکشار و لائیو اسٹاک نا بشخ اٹی چینی فریق نا است خواہی نا ستاءِ کرے۔ اوپارے کہ فوڈ پراسیسنگ پاکستان نا اولیتی بشخ آتیان اسٹ ءِ۔ اوپارے کہ پاکستان چائنہ بزنس اینڈ انویسٹمنٹ فورم زرکاری بورڈ، چینی سفارت خانہ و آل پاکستان چائنیز انٹرپرائزز ایسوسی ایشن (APCEA)نا اسیجائی کوشست آتا بھرم ءِ، کشاری بشخ اٹی ویلیو ایڈیشن نا کمک اٹ جہانی سپلائی چین اٹ پاکستان نا بشخ اٹی ودکی مریک، ہڑتوم آ کمپنی تے سرسہبی اٹ مفاہمت نا یات داشت آ دستخط آ مبارکبادی ایتیوہ۔ اپٹما انٹیگریشن گروپ، چائنا و ایشیاپاک انویسٹمنٹ، پاکستان بزنس ٹو بزنس کشاری کمکاری نا مون آ دننگ کن اولیتی بنداو تیا گام گیج کننگ ءِ۔ سی ای او سائنو پاک اپٹیما ٹیکنالوجیز عوشہ سلیم باجوہ پارے کہ پاکستان اٹی 100 بلین ڈالر نا بلیو اکانومی نا لائخی ارے وخت اس کہ نن بیرہ کم و ود 0.5 ارب ڈالر بیرہ مچھی نا برآمد آتیا کم از کم 5 گناگمان ارے ہرا فی الحال 500 ملین ڈالر آن کم ءُ۔ داٹی پوسکن آ ٹیکنالوجی تے درستی راستی کرفسا آسراتی تا اپ گریڈیشن نا کمک اٹ دوئی کننگ مریک۔ پاکستان اٹ سمندری خور ءِ ہلنگ و اونا پروسیسنگ تون اوار اوار او آئی جی کون آ علمبردار درستی راستی کرفسا پاکستانی مچھی و ساہدار تا پروٹین نا صنعت اٹ پترینگ انگ اٹ است خواہی بھاز ساکھ تننگ کیک۔ پاکستان اٹ بڑزکو آب انا خور زیات مقدار اٹ ودی کننگ نا لائخی ارے۔ اوپارے کہ سمندری خور انا برآمد کن اسہ اختتام آن ایسر اسکان سپلائی چین اس جوڑ کے۔ مون نا ریسہ ٹی دا پروجیکٹ اٹ ہائی ٹیک پروسیسنگ نا آسراتی و تعلقدار ٹیکنالوجی نا گدریفنگ اوار ءِ۔ داپروجیکٹ نا رداٹ 50 ملین ڈالر نا زرکاری کننگ ءِ۔ اوپارے کہ دا پروجیکٹ نا کمک اٹ گوادر اٹی 100 آن زیات کسبکار ملازمت ودی مریک۔
