کوئٹہ۔ 23 مئی (اے پی پی) ڈپٹی کمشنر کچھی میر شفقت انور شاہوانی پارینے کہ پولیو مہم ءِ سرسہب کننگ کن راج انا ہر شاری ءِ تینا بشخ ءِ شاغوئی مریک تانکہ ضلع کچھی ٹی اسہ شاری اسے نا ہم اولیاد پولیو نا دا مرض اٹی اختہ مننگ کپ، کچھی، بولان، ڈھاڈر، مچھ بھاگ و سنی شوران نا الس تینا پنچ سال اسکان نا چناتے پولیو نا پڑی ضرور کنفر تانکہ اوفتا کم سن اولیاد مچ آ وئی نا معذوری آن بچنگ کیر۔ ڈی ایچ او کچھی میر ڈاکٹر لیاقت علی رند، ڈپٹی وایم ایس ڈھاڈر ہسپتال ڈاکٹر فیض احمد مستوئی ڈی ایچ کیو ڈھاڈر کچھی ٹی چناتے پولیو نا پڑی کنفسا پولیو مہم نا بناءِ کرسا صحافی تتون گپ و تران کرسا پارے کہ کچھی ٹی پنچ دے ئی پولیو مہم اٹی ننا قبائلی سرکڑدہ، عالم دین ، بلدیاتی نمائندہ راجی شاری پولیو مہم ءِ سرسہب کننگ کن ہراُرانا 5 سال اسکان نا چناتے پولیو نا پڑی کنفنگ اٹ کڑد ادا کیر، ہراوڑ مسکوہی پولیو مہم ءِ سرسہب کرینو، اینو آن بناکروک آ پنچ دے ئی پولیو مہم ءِ ہم سرسہب کیرہ۔ ضلع نا ہر یوسی ٹی پولیو ٹیم تے لیویز و پولیس فورس انا کارندہ غاتے تعینات کننگانے مستی دا وخت آ ڈی ایس وی کچھی محمد فضل باروزئی حوال ترسا پارے کہ ضلع کچھی نا چار تحصیل آتیٹی 5 سال اسکان نا 56296چناتے 267 موبائل ٹیم پولیو نا پڑی کنفرہ ہراڑآ 34 یوسی ایم او ٹرانزٹ پوائنٹ 12 و 33 فکس سینٹر و 65 ایریا انچارج نا ٹیم ٹہیفنگانے دا پنچ دے ئی مہم اٹی اگہ اسے چناس سلے او تینا چنا ءِ ڈی ایچ او آفس اٹ پنچ دے اسکان پڑی کنفنگ کن اتنگ کیک وخت اس کہ لیویز و پولیس ناچاروکی ٹی سیکورٹی نا سخت بست وبند کننگانے۔
